By Asbarez | Tuesday, 13 January 2015
ՄՈՍԿՈՒԱ.- Լաւատեղեակ աղբիւր մը ռուսական <<vz.ru>> կայքին յայտնած է, որ Ֆրանսայի նախագահ Ֆրանսուա Հոլանտ Իսրայէլի վարչապետ Պենիամին Նեթանիահուէն խնդրած է Փարիզ չայցելել Կիրակի օրուան քայլարշաւի նախօրեակին:
Հոլանտի ազգային ապահովութեան հարցերով խորհրդական Ժագ Օտիպեր կապ հաստատած է իր իսրայէլացի պաշտօնակից Եոսի Քոհենի հետ՝ ըսելով, որ Ֆրանսայի ղեկավարը չի փափաքիր Փարիզի մէջ կայացած ահաբեկչութեան հետ կապուած երթին տեսնել Նեթանիահուն:
Օտիպեր բացատրած է, որ այդպիսով, Հոլանտ չէ փափաքած բորբոքել պաղեստինեւիսրայէլեան տագնապը:
Ֆրանսական կողմը նաեւ մտավախութիւն յայտնած է, որ Նեթանիահուն տուեալ քայլարշաւը պիտի օգտագործէ նախընտրական քարոզարշաւ կատարելու եւ Ֆրանսա բնակող հրեաներուն ուղղուած քարոզներ կարդալու համար:
Սկիզբը Նեթանիահու համաձայնած է Փարիզ չմեկնիլ, սակայն որոշ ժամանակ ետք միտքը փոխած է: Այդ քայլէն ետք, Պաղեստինեան իշխանութեան նախագահ Մահմուտ Ապպաս, որ սկիզբը ինք եւս յայտնած էր, թէ պիտի չմեկնի Փարիզ, փոխած է որոշումը ու գացած:
Նոյն տեղեկութիւնը փոխանցեց նաեւ իսրայէլեան <<Հաարեց>> օրաթերթը՝ նշելով, որ Հոլանտ չէ փափաքած, որ Նեթանիահու եւ Ապպաս ներկայ գտնուին Փարիզի քայլարշաւին, որպէսզի լուսարձակները կեդրոնանան ահաբեկչութեան դէմ պայքարին վրայ:
Նշենք, օր Ապպաս Փարիզէն Անգարա մեկնած էր եւ Թուրքիոյ իր պաշտօնակից Ռեչեփ Թայիփ Էրտողանի հետ հանդիպած։ Այս առիթով, Էրտողան քննադատեց Իսրայէլը ու ըսաւ, որ կը դժուարանայ հասկնալ, թէ այդ երկիրի վարչապետը <<ի՞նչ յանդգնութեամբ մասնակցած է Փարիզի քայլարշաւին>>։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ