By Asbarez | Tuesday, 20 January 2015
ԵՐԵՒԱՆ, <<Թերթ>>.- Թուրքիոյ քրտամէտ Ժողովուրդներու ժողովրդավար կուսակցութեան համանախագահ Սալահետտին Տեմիրտաշ <> կայանէն դարձեալ յայտարարած է, որ Հայկական Ցեղասպանութիւն տեղի ունեցա՛ծ է: Ցեղասպանութիւնը ճանչցող քիւրտ գործիչը նշած է, որ Ցեղասպանութեան մէջ գոյութիւն ունեցած է նաեւ քիւրտերու դերակատարութիւնը:
<<Մենք առանց տատամսելու կ՛ընդունինք, որ Հայկական Ցեղասպանութիւն տեղի ունեցած է: Քիւրտե՛րն ալ, բոլո՛րն ալ դերակատարութիւն ունեցած են այդ Ցեղասպանութեան մէջ: Սակայն քաղաքական որոշում կայացնողները եղած են Թալէաթ փաշան ու Էնվեր փաշան եւ <<Իթթիհատ վէ թերաքքի>>ն: Եթէ օսմանեան ողջ ժառանգութեան տէր կը կանգնիք, ապա ատոր ալ տէր կանգնեցէք>>, կոչ ուղղած է ան:
Տեմիրթաշ նաեւ խիստ քննադատութեան ենթարկած է Թուրքիոյ նախագահ Ռեչեփ Թայիփ Էրտողանի նախաձեռնութիւնը՝ Ապրիլ 24ը <<Կալիփոլիի յաղթանակի օր>> հռչակելու մասին, եւ այդ առիթով յղուած հրաւէրները։ <<1915ի հարիւրամեակին ի պատասխան, կառավարութեան նման նախաձեռնութիւնը ամօթալի է>>, ըսած է ան։ Տեմիրթաշ նշած է, որ թրքական կառավարութենէն կ՛ակնկալուի առերեսում եւ ցաւակցութիւն Ապրիլ 24ի հարիւրամեակին, սակայն կառավարութիւնը հակառակը կ՛ընէ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ