By Asbarez | Monday, 26 January 2015
ՍՏԵՓԱՆԱԿԵՐՏ, <<Արցախփրէս>>.- Ֆրանսայի հայկական կազմակերպութիւնները համակարգող խորհուրդի (CCAF) նախագահ եւ ՀՅԴ Բիւրոյի նորընտրիր անդամ Մուրատ Փափազեան ըսած է. <<(Տողու) Փերինչեքի դատավարութեան հարցով, Ֆրանսա մեզի հետ է: Ֆրանսա <<մասնակից>> է դատավարութեան՝ Զուիցերիոյ, Հայաստանի եւ այն բոլոր կազմակերպութիւններուն կողմէ, որոնք կը զօրակցին մեզի: Ասիկա լուրջ նշան է, թէ Ֆրանսուա Հոլանտ կը փափաքի, որ շահինք Փերինչեքի դատավարութիւնը, որպէսզի կարենանք Հայոց Ցեղասպանութեան ժխտումը քրէականացնող օրէնքը որդեգրել, հաւանաբար՝ 2016 թուականի սկիզբը>>:
Նշենք, որ Ցեղասպանութիւնը ուրացող Փերինչեքի դատը պիտի սկսի Յունուար 28ին, Եւրոպայի մարդկային իրաւունքներու ատեանի )ԵՄԻԱ) բարձրագոյն դատարանին մէջ։
<<Տեմոքրաթհապեր>>ի լրատու կայքի աշխատակից Հրանդ Գասպարեան կը տեղեկացնէ, թէ այս դատավարութեան որպէս երրորդ կողմ պիտի մասնակցին նաեւ Թուրքիոյ Մարդկային իրաւունքներու միութիւնն ու <<Ճշմարտութեան ու արդարութեան յիշողութեան կեդրոն>> կոչուած մարմինը։ Այս երկու կազմակերպութիւնները Փերինչեքի դէմ պատրաստած են ընդարձակ թղթածրար մը, զոր յանձնած են ԵՄԻԱի վերին դատարանին։ ԵՄԻԱի վերին դատարանը ընդունած է զանոնք՝ որպէս միջամուխ կողմ, այսինքն՝ երրորդ կողմ։
Այս նիւթին շուրջ հաւաք մը կազմակերպուած է Մարդկային իրաւունքներու միութեան Պոլսոյ կեդրոնին մէջ, ուր ելոյթ ունեցած է Ցեղապաշտութեան դէմ յանձնախումբի անդամ Մերալ Չըլտըր։ Բացատրութիւններով հանդէս եկած է նաեւ յանձնախումբի անդամ փաստաբան Էրեն Քեսքին, որ հրապարակած է իրենց պատրաստած թղթածրարին մանրամասնութիւնները։ Քեսքին ըսած է, որ Փերինչեք թէեւ այս ժխտումը ըրած է Լօզանի մէջ, բայց անոր այս ժխտումը ուղղակի կերպով մեծ ազդեցութիւն գործած է Թուրքիոյ մէջ ապրող հայերուն վրայ եւ դատարանը ցարդ անտեսած է այս կէտը։
Ան դիտել տուաւ, որ Փերինչեքի խօսքերը միայն պատահարի մը ժխտումը չեն նշանակեր, այլ այդ խտրականութեան ու այլամերժութեան յանցագործութիւն ալ կը պարունակեն։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ