By Asbarez | Wednesday, 28 January 2015
ԵՐԵՒԱՆ, <<Արմէնփրէս>>.- Ամերիկեան հեղինակաւոր <<Ֆրիտըմ Հաուս>> իրաւապաշտպան կազմակերպութիւնը հրապարակեց <<Ազատութիւնը աշխարհի մէջ. 2015>> իր տարեկան զեկուցումը, որ կը վերաբերի աշխարհի տարբեր երկիրներու մէջ քաղաքական իրաւունքներուն եւ քաղաքացիական ազատութեան հարցերուն։
Փաստաթուղթին մէջ կը նշուի, որ ամբողջ աշխարհին մէջ արձանագրուած է ազատութեան մակարդակի համատարած անկում։ Զեկուցումի հեղինակները կը նշեն, որ ժողովրդավարութեան գաղափարախօսութիւնը վերջին 25 տարուան ընթացքին կը գտնուի ամէնէն լուրջ սպառնալիքին տակ։
Դիտելով կազմակերպութեան կազմած աղիւսակը՝ կարելի է տեսնել, որ Հայաստանը, Լեռնային Ղարաբաղը, Վրաստանն ու Թուրքիան ճանչցուած են մասամբ ազատ, մինչդեռ Ատրպէյճանը, Իրանն ու Ռուսիան անազատ երկիրներ կը նկատուին։
<<Ֆրիտըմ Հաուս>>ի փորձագէտները արձանագրած են, որ տնտեսապէս հզօր ու իրենց տարածաշրջանին մէջ ազդեցիկ դիրք ունեցող շարք մը պետութիւններ, որոնց շարքին են՝ Ռուսիան, Թուրքիան ու Ատրպէյճանը, ազատութեան առումով նահանջ արձանագրած են։ Հեղինակները կը նշեն, որ թէեւ բռնապետական Ատրպէյճանի մէջ քաղաքական իրաւունքներու եւ քաղաքացիական ազատութեան հետ կապուած իրավիճակը կայուն կերպով կը վատթարանայ, այնուամենայնիւ, միջազգային ընտանիքը չի քննադատեր Պաքուն՝ վերջինիս ունեցած ուժանիւթային հարստութիւններուն պատճառով։
Ընդհանուր առմամբ, զեկուցումին մէջ ներառուած է 195 երկիր, որմէ 89ը (46 առ հարիւրը) ճանչցուած է ազատ, 55ը (28 առ հարիւրը)՝ մասամբ ազատ, իսկ 51ը (26 առ հարիւրը)՝ անազատ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ