Ուքրանիոյ մէջ զինադադարի նոր համաձայնութիւն

By Asbarez | Thursday, 12 February 2015

ՄԻՆՍԿ, <<Ռոյթըրզ>> - Փետրուար 12ի կանուխ ժամերուն, 17ժամեայ բանակցութիւններէ ետք, Ուքրանիոյ մէջ կարելի եղած է գոյացնել զինադարար հաստատելու նոր համաձայնութիւն մը, որ ի զօրու պիտի դառնայ Փետրուար 14ի կէս գիշերին։ Ռուսիոյ նախագահ Վլատիմիր Փութինի եւ Ուքրանիոյ նախագահ Փեթրօ Փորոշենքոյի միջեւ կնքուած համաձայնութիւնը գոյացաւ Գերմանիոյ վարչապետ Անկելա Մերքելի ու Ֆրանսայի նախագահ Ֆրանսուա Հոլանտի միջնորդութեամբ։

Քաղաքական մեկնաբաններու համաձայն՝ արեւելեան Ուքրանիոյ ռուսամէտ ուժերը գլխաւոր յաղթող կողմը դարձած են այս քառակողմանի խորհրդակցութիւններուն։ Ուքրանիոյ ռուսամէտ ուժերը պիտի շարունակեն իրենց հակակշիռին տակ պահել իրենց գրաւած տարածքները, որոնք մինչեւ զինադադարի սկսիլը՝ կրնան նաեւ ընդարձակուիլ, մինչեւ իրենց ինքնավարութիւն շնորհող սահմանադրական փոփոխութիւնները կատարուին։

Միւս կողմէ, Միջազգային դրամական հիմնադրամը Փետրուար 12ին յայտարարեց, թէ 17.5 միլիառ տոլարի վարկ պիտի շնորհէ Ուքրանիոյ, երկիրը սնանկացումէ փրկելու նպատակով։ Ըստ Փորոշենքոյի՝ տագնապը օրական 8 միլիոն տոլարի վնաս կը պատճառէ երկիրին։

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ