By Asbarez | Thursday, 19 February 2015
ԵՐԵՒԱՆ, <<Երկիր>>.- Փետրուար 18ին, Թուրքիոյ արտաքին գործոց նախարարութեան մամլոյ խօսնակ Թանշու Պիլկիչ հանդէս եկած է 2009ին ստորագրուած հայ-թրքական արձանագրութիւնները խորհրդարանէն ետ քաշելու մասին շարք մը յայտարարութիւններով։
Ըստ <<Աքշամ>> թերթին՝ մամլոյ խօսնակը նշած է, թէ երկու երկիրներուն միջեւ ստորագրուած արձանագրութիւններուն նպատակը եղած է ոչ միայն երկու երկիրներու յարաբերութեանց բարելաւումը, այլ նաեւ՝ <<Կովկասի մէջ խաղաղութեան եւ կայունութեան հաստատումը>>:
<<Մենք Հայաստանի այդ քայլը ճիշդ չենք համարեր, մենք զայն կը նկատենք ցաւալի եւ անյաջող քայլ մը: Անիկա իրականութեան մէջ Հայաստանի վերջին ջանքն է, որ կը վկայէ այդ արձանագրութիւններուն նկատմամբ անոր անհետեւողական եւ շինծու վերաբերմունքին մասին>>, ըսած է Թուրքիոյ արտաքին գործոց նախարարութեան մամլոյ խօսնակը:
Նշենք, որ այս մէկը Թուրքիոյ արտաքին գործոց նախարարութեան երկրորդ արձագանգն է՝ արձանագրութիւնները ետ քաշելու որոշումին: Փետրուար 17ին, Թուրքիոյ արտաքին գործոց նախարարութենէն պաշտօնատար մը, <<Հիւրրիյէ>>չի հետ զրոյցի մը ընթացքին, ՀՀ նախագահ Սերժ Սարգսեանի որոշումը <<սխալ եւ անյաջող քայլ>> որակած էր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
