By Asbarez | Wednesday, 11 March 2015
ՍՏԵՓԱՆԱԿԵՐՏ, <<Արցախփրէս>> - Հայաստանի վարչապետ Յովիկ Աբրահամեան՝ Քուէյթի էմիր շէյխ Սապահ Ահմետ Ժապեր Սապահ հրաւէրով, պաշտօնական այցելութիւն կու տայ Քուէյթ:
Վարչապետ Աբրահամեանի գլխաւորած պատուիրակութիւնը առաջին հերթին տեսակցութիւն ունեցած է Քուէյթի էմիր շէյխ Սապահ Ահմետ Ժապեր Սապահի հետ։ Վարչապետը շնորհակալութիւն յայտնած է ջերմ ընդունելութեան համար եւ Քուէյթի էմիրին փոխանցած է Հայաստանի նախագահ Սերժ Սարգսեանի ջերմ ողջոյններն ու Հայաստան պաշտօնական այցելութիւն տալու հրաւէրը: Քուէյթի էմիրը եւս իր կարգին փոխադարձ ջերմ ողջոյններ յղած է Հայաստանի նախագահին եւ շնորհակալութիւն յայտնած հրաւէրին համար:
Վարչապետը նշած է, որ իր պաշտօնական այցելութիւնը կը վկայէ երկկողմանի բազմաբնոյթ յարաբերութիւններու շարունակական զարգացման վերաբերեալ Հայաստանի նպատակադրուածութեան մասին: Յովիկ Աբրահամեանի համաձայն՝ իր այցելութիւնը նոր հորիզոններ պիտի բանայ երկկողմանի համագործակցութեան հետագայ ընդլայնման համար:
Էմիրը ողջունած ու կարեւոր նկատած է Հայաստանի վարչապետին Քուէյթ այցելութիւնը՝ հաստատելով, որ անիկա մեծապէս պիտի նպաստէ հայ–քուէյթեան բարեկամական յարաբերութիւններու ամրապնդման։ Քուէյթի էմիրին համաձայն՝ իր երկիրը պատրաստակամ է քննարկել այն բոլոր հարցերը, որոնք պիտի ծառայեն երկու երկիրներու եւ ժողովուրդներու շահերուն, զարգացնել եւ ընդլայնել Հայաստանի հետ փոխգործակցութիւնը տարբեր ոլորտներու մէջ, որոնց կարգին՝ քաղաքական, տնտեսական, մշակութային եւ մարդասիրական։ Էմիրը նշած է, որ չկայ որեւէ խոչընդոտ այդ նպատակներուն հասնելու համար:
Այդ պարունակին մէջ զրուցակիցները քննարկած են երկու երկիրներուն միջեւ կապերու ընդլայնման առնչուող հարցեր։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ