By Asbarez | Monday, 16 March 2015
ԼՕԶԱՆ - <<Ռոյթըրզ>> կը հաղորդէ, որ ՄԱԿի Ապահովութեան խորհուրդի մնայուն հինգ անդամներուն եւ Գերմանիոյ հետ Իրանի բանակցութիւններուն նորագոյն հանգրուանը ընթացք առած է, քննելու համար Ապահովութեան խորհուրդի որոշում մը, որ կը ջնջէ Իրանի դէմ հաստատուած ՄԱԿի պատժամիջոցները, եթէ Թեհրանի հետ հիւլէական թղթածրարին շուրջ համաձայնութիւն գոյանայ:
Բանակցութիւնները տեղի կ՛ունենան Իրանի եւ Վեցեակին միջեւ, այս շաբաթ նախատեսուած պաշտօնական բանակցութիւններու նախօրեակին, որոնց նպատակն է համաձայնութեան նախագիծ մը գոյացնել մինչեւ այս ամսուան վերջաւորութիւն, մինչ ամբոջական համաձայնութիւն մը կ՛ակնկալուի Յուլիսին։
Դիւանագէտներ <<Ռոյթըրզ>>ին յայտնած են, որ պատժամիջոցները ջնջելու որոշումը ուժի մէջ պիտի մտնէ անմիջապէս, երբ հիւլէական թղթածրարին շուրջ համաձայնութիւն գոյանայ: Անոնք աւելցուցած են, որ որոշումը բանաձեւուած է այնպիսի ձեւով, որ որեւէ պետութեան չ՛արտօներ զայն գործադրելէ խուսափիլ:
Մարտ 16ին, Միացեալ Նահանգներու արտաքին գործոց նախարար Ճան Քերի, Լօզանի մէջ աւելի քան հինգ ժամ տեւած խորհրդակցութիւններ ունեցած է Իրանի արտաքին գործոց նախարար Մոհամմատ Զարիֆի հետ, որմէ ետք Զարիֆ Պրիւքսէլ մեկնած է՝ խորհրդակցութիւններ ունենալու համար Եւրոմիութեան, Ֆրանսայի, Գերմանիոյ եւ Բրիտանիոյ իր պաշտօնակիցներուն հետ։ Կ՛ակնկալուի, որ Քերի-Զարիֆ հանդիպում մը եւս կայանայ Մարտ 17ին, դարձեալ Լօզանի մէջ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
