By Asbarez | Tuesday, 17 March 2015
ԴԱՄԱՍԿՈՍ, <<Ա.Էֆ.Փէ.>> - Սուրիոյ նախագահ Պաշշար Ասատ, անդրադառնալով Միացեալ Նահանգներու արտաքին գործոց նախարար Ճան Քերիի Կիրակի օրուան յայտարարութեան, թէ՝ <<Ուաշինկթըն ի վերջոյ պիտի ստիպուի բանակցելու>> Ասատի հետ, Մարտ 16ին յայտնեց. <<Տակաւին յայտարարութիւններ կը լսենք: Պէտք է գործերուն սպասենք, եւ այն ատեն կ՛որոշենք>>: Ան շեշտեց. <<Սուրիոյ նախագահի ապագային վերաբերեալ խօսքը կը պատկանի սուրիացի ժողովուրդին>>:
Ասատ իրանեան պատկերասփիւռի կայանի մը հետ զրոյցի մը ընթացքին յայտնեց. <<Միջազգային որեւէ փոփոխութիւն, եթէ անկեղծ է եւ իսկապէս ազդեցութիւն ունի, դրակա՛ն է։ Սակայն, առաջին քայլը պէտք է ըլլայ ահաբեկիչներու աջակցութեանց դադրեցումը։ Այդ պարագային կրնանք ըսել, որ այս փոփոխութիւնը իսկական փոփոխութիւն մըն է>>։
Քերիի յայտարարութիւնը իրարանցում մը ստեղծած էր Ասատի ընդդիմացող շրջանակներուն մօտ, ինչի հետեւանքով՝ Ուաշինկթըն պարտադրուեցաւ յայտարարել, թէ հաստատ կը մնայ այն կեցուածքին վրայ, որ <<Ասատ Սուրիոյ ապագային մէջ դերակատար պէտք չէ ըլլայ>>։
Միւս կողմէ, <<Սի.Այ.Էյ.>>ի տնօրէն Ճան Պրենըն յայտարարեց. <<Միացեալ Նահանգներ Սուրիոյ կառավարութեան եւ անոր հաստատութեանց քայքայումը չ՛ուզեր, որովհետեւ ատիկա իսլամ ծայրայեղական խմբաւորումներուն եւ մասնաւորաբար <<Իսլամական պետութեան>> համար ճամբայ պիտի հարթէ։ Չենք ուզեր անոնց առիթ տալ, որ դէպի Դամասկոս յառաջանան>>: Ան ըսաւ, որ այդ պատճառով՝ կարեւոր է սուրիական ոչ-ծայրայեղական ընդդիմութեան ուժերուն աջակցիլ:
Իր կարգին, Ֆրանսայի արտաքին գործոց նախարար Լորան Ֆապիւս Մարտ 16ին նշեց, որ իր երկիրը կը շարունակէ ընդդիմանալ Ասատի հետ բանակցելու գաղափարին՝ աւելցնելով. <<Մեզի համար յստակ է, որ Պաշշար Ասատ չի կրնար այդ պատկերին մէջ ըլլալ>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ