By Asbarez | Wednesday, 18 March 2015
ԵՐԵՒԱՆ, <<Եռագոյն>>.- Սուրիոյ խորհրդարանի նախագահ Մուհամմատ Ճիհատ Լահամ, Մարտ 17ին գումարուած նիստին ընթացքին, յայտնած է. <<Մեր բացարձակ համերաշխութիւնը կը յայտնենք հայ բարեկամ ժողովուրդին, Սուրիոյ մէջ ապրող մեր հայ հարազատներուն, որոնք հարիւր տարի առաջ ենթարկուեցան հաւաքական ցեղասպանութեան՝ Օսմանեան կայսրութեան կողմէ>>:
Սուրիոյ խորհրդարանի կայքը կ՛աւելցնէ, թէ խորհրդարանի նախագահը նաեւ նշած է. <<Օրեր ետք, 100ամեակն է Հայոց Ցեղասպանութեան, զոր իրականացուց Օսմանեան կայսրութիւնը՝ բարեկամ հայ ժողովուրդին եւ Սուրիոյ մէջ ապրող մեր հայ հարազատներուն նկատմամբ, որոնք հարիւր տարի առաջ ենթարկուեցան ահռելի ցեղասպանութեան: Այսօր մեր ամբողջական զօրակցութիւնը կը յայտնենք անոնց կողքին կանգնելու, երբ կ՛ոգեկոչենք ցաւալի այս իրադարձութեան 100ամեակը, զոր պատմութիւնը արձանագրեց ահաւոր պատկերներով: Մենք կոչ կ՛ուղղենք միջազգային համայնքին եւ ամբողջ աշխարհի ժողովուրդներուն՝ միասնաբար կանգնելու կեանքեր վերջ դնողներուն, գլուխներ հատողներուն եւ Միջին Արեւելքը հարուածող ահաբեկիչներուն դէմ, որպէսզի առաջքը առնենք մարդկութեան պատմութեան եւ քաղաքակրթութեան հանդէպ իրագործուող նոր ջարդերու:
<<Ընկերներ եւ ընկերուհիներ, ձեզ կը հրաւիրեմ մէկ վայրկեան լռութեամբ յարգելու յիշատակը ցաւալի իրադարձութիւններուն զոհ դարձած մէկ ու կէս միլիոն հայերուն։ Այդ իրադարձութիւնները նաեւ պատճառ դարձան, որ մէկ ու կէս միլիոն հայ փախստական դառնայ եւ ցրուի աշխարհի տարածքին>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ