By Asbarez | Monday, 30 March 2015
Ալատտին Պորուժերտի
ՏՈՒՊԱՅ, <<Ռոյթըրզ>> - Իրանի արտաքին գործոց նախարարութիւնը յայտարարեց, որ քովը կանչած է Թեհրանի մօտ Թուրքիոյ դեսպանատան գործավարը՝ բողոքելու համար Թուրքիոյ նախագահ Ռեչեփ Թայիփ Էրտողանի կողմէ Իրանի հասցէին կատարուած յայտարարութեան դէմ: Նախարարութիւնը թուրք գործավարին փոխանցած է իր դժգոհութիւնը՝ Իրանի մասին Էրտողանի կատարած <<անպատշաճ ու անվայել>> յայտարարութենէն:
Միւս կողմէ, <<Արմէնփրէս>> լրատու գործակալութիւնը, վկայակոչելով թրքական <<Միլլիյէ>>չ օրաթերթը՝ կը հաղորդէ, որ Իրանի խորհրդարանի Ազգային ապահովութեան եւ արտաքին քաղաքականութեան հարցերով յանձնախումբի նախագահ Ալատտին Պորուժերտի խստօրէն քննադատած է Թուրքիոյ վարած քաղաքականութիւնը: Ան նշած է, որ եթէ վերջին տարիներուն Թուրքիոյ քաղաքականութիւնը նկատի ունենանք իբրեւ շղթայ, ապա այդ շղթային տարբեր օղակներուն մէջ Անգարան ձախողութեան մատնուած է: <<Սուրիան անոր ամէնէն ակնյայտ օրինակներէն մէկն է: Անգարան, որ կը ցանկար Սուրիոյ մէջ իշխանափոխութեան հասնիլ, պարտութեան մատնուեցաւ: Իրաքի մէջ ալ նոյնանման իրավիճակի մը դէմ յանդիման յայտնուած է անիկա>>, նշած է Պորուժերտի եւ քննադատելով Իրանի նկատմամբ Թուրքիոյ քաղաքականութիւնը՝ յոյս յայտնած, որ Անգարա վերատեսութեան ենթարկէ իր քաղաքականութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ