By Asbarez | Monday, 30 March 2015
ՄՈՆԹՐԷԱԼ, <<Հորիզոն>>.- Մարտ 26ին, Քանատայի խորհրդարանի անդամ, եւ Քանատա-Հայաստան խորհրդարանական բարեկամութեան խմբակցութեան փոխնախագահ Պրետ Պաթ հրապարակեց խորհրդարանի յառաջիկայ նիստին ներկայացուելիք թիւ 587 բանաձեւը, որ կը նպատակադրէ Ապրիլ ամիսը Քանատայի մէջ Ցեղասպանութեանց յիշատակման ամիս հռչակել:
Բանաձեւը կը նշէ.
<<Ներկայացուցիչներու այս տունը կը վերահաստատէ ճանաչումը.
– Ողջակիզման յիշատակման օրուան հռչակագիրը (C-24), որ որդեգրուած էր Նոյեմբեր 7, 2003ին.
– Հայոց Ցեղասպանութեան ճանաչման բանաձեւը (M-380), որ որդեգրուած է Ապրիլ 21, 2004ին.
– Ռուանտայի ցեղասպանութեան բանաձեւի միաձայնութեամբ որոշումը, որ որդեգրուած էր Ապրիլ 7, 2008ին.
– Ուքրանական սովասպանութեան յիշատակման օրուան հռչակագիրը (C-459), որ որդեգրուած էր Մայիս 29, 2008ին:
Ներկայացուցիչներու այս տունը Քանատայի կառավարութեան կոչ կ՛ուղղէ յարգելու յիշատակը բոլոր ցեղասպանութեանց զոհերուն՝ Ապրիլ ամիսը ճանչնալով իբրեւ ցեղասպանութեան յիշատակման, դատապարտման եւ կանխարգիլման ամիս, եւ՝
Քանատայի Ներկայացուցիչներու տունը կը ճանչնայ առնչակից յիշատակման օրերը.
– Ապրիլ 7ն՝ Ռուանտական ցեղասպանութեան յիշատակման օր
– Ապրիլ 24ը՝ Հայոց Ցեղասպանութեան յիշատակման օր
– Հրէական լուսնային օրացոյցին համաձայն ճշդուած օրը՝ Եոմ Հաշօա, Ողջակիզման յիշատակման օր
- Նոյեմբերի չորրորդ Շաբաթ օրը՝ Ուքրանական սովասպանութեան յիշատակման օր>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ