By Asbarez | Tuesday, 31 March 2015
ԵՐԵՒԱՆ, <<Նիուզ>> - Հայոց Ցեղասպանութեան փոխհատուցումներու հարցերով ուսումնասիրութիւններու խումբը հրապարակած է վերջնական զեկոյց, որ կը կոչուի <<Արդարութեամն Լուծում. Հատուցումներ Հայոց Ցեղասպանութեան Համար>>:
Ըստ Հայոց Ցեղասպանութեան հատուցումներու հարցերով ուսումնասիրութիւններու խմբակի պաշտօնական կայքին՝ հատուցումներու հարցին իրաւական, պատմական, քաղաքական եւ ցեղային տեսանկիւններէ համապարփակ վերլուծութեան արդիւնք հանդիսացող այս զեկոյցը աւարտած է 2014ի Սեպտեմբերին:
Ցեղասպանութեան զոհերու եւ ընդհանրապէս հայ ազգի կորուստներուն հատուցման հարցը տարիներ շարունակ ուսումնասիրուած է տարբեր գիտնականներու կողմէ: Այսուհանդերձ, քննարկումը սահմանափակ էր եւ կը պարունակէր միայն տարածքային եւ գումարային փոխհատուցման վերացական հասկացութիւններ: Իսկ Հայոց Ցեղասպանութեան փոխհատուցումներու հարցերով ուսումնասիրութիւններու խումբին զեկոյցը համապարփակ եւ մանրամասն վերլուծութիւն կը պարունակէ։
Նշենք, որ խումբը ձեւաւորուած է 2007ին եւ կազմուած է 4 փորձագէտներէ: Անոնց առաքելութիւնն էր՝ նախապատրաստել Հայոց Ցեղասպանութեան հետ կապուած հատուցումներու հարցով համակարգուած, բազմակողմանի, խոր առաջին վերլուծութիւնը: Ի սկզբանէ, ՀՅԴի դրամաշնորհին միջոցով ճամբայ ելած խումբի անդամներն էին Ալֆրետ տէ Զայաս, Ճըրմէյն ՄըքՔալփի, Արա Պապեան եւ Հանրի Թերիոն: Ճորճ Աղաճաեան յատուկ խորհրդականի պաշտօն ունէր:
Զեկոյցը կարելի է կարդալ www.armeniangenocidereparations.info/?page_id=229 կայքէն։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
