By Asbarez | Thursday, 02 April 2015
ԵՐԵՒԱՆ, <<Արմէնփրէս>> - Հայոց Ցեղասպանութեան 100ամեակին ընդառաջ Կիպրոսի նամակատունը եւ <<Հայփոստ>>ը շրջանառութեան մէջ դրած են մէկական դրոշմաթուղթ՝ Մելքոնեան վարժարանի եւ անոր սաներուն պատկերներով: Անոնցմէ մէկուն վրայ պատկերուած է Մելքոնեան վարժարանի շէնքը եւ այն ծառերը, զորս տնկած են վարժարանին մէջ ապաստան գտած որբերը՝ ի յիշատակ իրենց նահատակ ծնողներուն: Միւս դրոշմաթուղթին վրայ կայ նկարը առաջին սաներուն՝ Մելքոնեան վարժարանի խորապատկերով:
Դրոշմաթուղթերուն հրապարակութեան արարողութեան ընթացքին Հայաստանի արտաքին գործոց փոխնախարար Շաւարշ Քոչարեան կարեւոր նկատած է Հայաստանի եւ Կիպրոսի նամակատուներուն կողմէ եղած այս նախաձեռնութիւնը՝ ընդգծելով, որ Հայոց Ցեղասպանութենէն ետք Մելքոնեան վարժարանը կարեւոր հանգրուան եղած է հայ սաներու համար: <<Նախ եւ առաջ համատեղ նամականիշի թողարկումը խորհրդանշում է Հայաստանի եւ Կիպրոսի միջեւ ձեւաւորուած բարեկամական յարաբերութիւնները: Միւս կողմից սա հնարաւորութիւն է յարգանքի տուրք մատուցելու Սփիւռքի կարեւորագոյն վարժարաններից մէկին: Շուրջ 80ամեայ գործունէութեան ընթացքում այն հսկայական դերակատարութիւն է ունեցել հայապահպանութեան գործում: Խորհրդանշական է, որ համատեղ նամականիշի մարումը տեղի է ունենում հէնց այս օրը, երբ Կիպրոսի խորհրդարանը ընդունեց օրէնք, որով քրէականացւում է ցեղասպանութիւնների ժխտումը>>, նշած է Քոչարեան:
<<Հայաստանի ֆիլատելիստների միութեան>> նախագահ Յովիկ Մուսայէլեան եւս ընդգծած է, որ դրոշմաթուղթերը մեծ կարեւորութիւն ունին ազգային արժէքներու տարածման տեսանկիւնէն: <<Նշանակալի է, որ տարուայ մէջ մի քանի անգամ կարողանում ենք խօսել ազգային նամականիշերի մասին: Նամականիշերը՝ մեր դրօշի եւ դրամի հետ միասին, երկրի խորհրդանիշներից են>>, ըսած է ան։
<<Մելքոնեան վարժարան>>ին նուիրուած դրոշմաթուղթերը հրապարակուած են 60 հազար տպաքանակով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ