By Asbarez | Tuesday, 07 April 2015
ԹԵՀՐԱՆ, <<Ռոյթըրզ>> - Իրանի արտաքին գործոց նախարար Մոհամմատ Ճաւատ Զարիֆ յայտնեց, որ Լօզանի փաստաթուղթին մէջ արձանագրուած լուծումներու շարքը հիւլէական թղթածրարին շուրջ բանակցութեանց վերջնական փաստաթուղթին հիմը պիտի կազմէ:
Զարիֆ աւելցուց, որ համաձայնութիւնը պէտք է մինչեւ Յուլիս ամբողջացնել:
Իր կարգին, Սէուտական Արաբիոյ Սալման թագաւորը Միացեալ Նահանգներու նախագահ Պարաք Օպամայի հետ հեռաձայնային հաղորդակցութեան ընթացքին յոյս յայտնեց, որ կարելի ըլլայ գոյացնել <<վերջնական եւ պարտադիր լուծում մը, որ կ՛առաջնորդէ շրջանին ու աշխարհին մէջ ապահովութեան եւ կայունութեան ամրապնդման>>: Օպամա նշեց, որ շրջանին մէջ խաղաղութեան ամրապնդման նկատմամբ նախանձախնդիր է եւ Ծոցի երկիրներուն ղեկավարները հրաւիրեց Միացեալ Նահանգներ՝ ապահովութեան մարզին մէջ համագործակցութեան հարցերը քննարկելու համար:
Յիշեցնենք, որ Օպամա Իրանի հետ համաձայնութիւնը <<պատմական փոխըմբռնում>> նկատեց՝ նշելով, որ Իրանի դէմ ամերիկեան պատժամիջոցները աստիճանաբար պիտի վերցուին, կատարուածը <<լաւ գործարք>> անուանելով։
Միւս կողմէ, Իսրայէլի վարչապետ Պենիամին Նեթանիահու Օպամայի հետ հեռաձայնային հաղորդակցութեան մը ընթացքին յայտնեց, որ Իրանի վերջնական համաձայնութիւնը <<սպառնալիք պիտի ըլլայ Իսրայէլի գոյատեւման>>, սակայն Օպամա նշեց, որ այդ համաձայնութիւնը <<պիտի փակէ դէպի հիւլէական ռումբ տանող ճամբան>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
