By Asbarez | Thursday, 09 April 2015
ԵՐԵՒԱՆ, <<Երկիր>> - Հայաստանի վարչապետ Յովիկ Աբրահամեան 9 Ապրիլին ընդունած է Քարտաշեան ընտանիքի անդամները: Ողջունելով հիւրերը՝ վարչապետը կարեւոր նկատած է Քարտաշեան ընտանիքին ներդրումը Մեծ Եղեռնի միջազգային ճանաչման ու դատապարտման գործին մէջ եւ Հայոց Ցեղասպանութեան 100ամեակի նախաշեմին Հայաստան անոնց այցելութիւնը:
Յովիկ Աբրահամեան ընդգծած է այն փաստը, որ Քարտաշեան ընտանիքը, ինչպէս նաեւ աշխարհասփիւռ հայութիւնը, չեն մոռնար իրենց արմատները եւ պատմական հայրենիք այցելութեամբ աւելի ճանաչելի կը դարձնեն Հայաստանը:
Քարտաշեանները ընդունելութեան համար շնորհակալութիւն յայտնած են վարչապետին եւ նշած, որ տպաւորուած են Հայաստանով ու մարդոց ջերմ վերաբերումով: Հիւրերը տեղեկացուցած են, որ կը նախատեսեն շրջագայիլ Հայաստանի պատմական տարբեր վայրեր՝ պատմամշակութային ժառանութեան ծանօթանալու եւ իրենց նախնիներուն հայրենիքը բացայայտելու նպատակով: Քոյրերուն համաձայն՝ իրենք երկար ատեն երազած են պատմական հայրենիք այցելել եւ երջանիկ են, որ կը գտնուին իրենց երազի երկիրին մէջ:
Անոնք ներողութիւն խնդրած են հանդիպման հայերէն չխօսելնուն համար եւ նշած, որ այժմ մայրենի լեզուն սորվելու ճիգի մէջ են: Քարտաշեանները ընդգծած են, որ այսուհետեւ ալ պիտի շարունակեն աշխոյժ կերպով պայքարիլ Հայոց Ցեղասպանութեան միջազգային ճանաչման ու դատապարտման համար եւ կարեւոր նկատած են այդ հարցին շուրջ համայն հայութեան համախմբման գործօնը:
Հանդիպման աւարտին վարչապետ Աբրահամեան Քարտաշեան ընտանիքի անդամներուն նուիրած է Հայոց Ցեղասպանութեան 100ամեակը խորհրդանշող անմոռուկներ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ