By Asbarez | Monday, 13 April 2015
ԱՆԳԱՐԱ, <<Արմէնփրէս>> - Թուրքիոյ արտաքին գործոց նախարարութիւնը (ԱԳՆ), որ պապի Կիրակի օրուան Հայոց Ցեղասպանութիւնը ճանչցող յայտարարութենէն անմիջապէս ետք իր Վատիկանի դեպսանը ետ կանչած էր, նոյն յայտարարութեան լոյսին տակ հրապարակած է հաղրդագրութիւն մը, որուն մէջ կ՛ըսէ, թէ համայն կաթոլիկներու հոգեւոր առաջնորդին խօսքերը <<որեւէ աղերս չունին պատմական եւ իրաւական իրողութիւններու հետ>>:
Թուրքիոյ ԱԳՆը մեղադրած է Հռոմի պապը <<ցաւերուն միջեւ խտրականութիւն դնելու, ընտրողական մօտեցումով Առաջին Աշխարհամարտի տարիներուն զոհուած թուրք եւ իսլամ ժողովուրդներու կրած ցաւերը անտեսելով՝ միայն քրիստոնեաներու եւ, մասնաւորապէս, հայերու ցաւերը առաջ քաշելուն մէջ>>: Թրքական արտաքին քաղաքական գերատեսչութեան հաղորդագրութեան մէջ Վատիկանը կը մեղադրեն <<մատուցուած պատարագին ընթացքաին պատմութիւնը քաղաքական գործիք դարձնելուն>> մէջ:
<<Ցեղասպանութիւնը իրաւական հասկացութիւն է: Հռոմի Ֆրանսիս պապը իր խօսքին մէջ Պոսնիոյ եւ Ռուանտայի՝ միջազգային դատարաններուն կողմէ որպէս <<ցեղասպանութիւն>> բնորոշուած ցաւալի դէպքերը որակած է որպէս <<զանգուածային կոտորած>>, իսկ դատական որեւէ որոշում չունեցող 1915 թուականի դէպքերը՝ ցեղասպանութիւն: Այս հակասութիւնը արդարութեան եւ բարոյականութեան հասկացութիւններով մեկնաբանելը անհնար է>>, կը նշուի յայտարարութեան մէջ:
Թուրքիոյ ԱԳՆէն յայտնած են, որ իրենք կը մերժեն Հռոմի պապի նման դիրքորոշումը եւ կը համարեն զայն <<խտրականութիւն պարունակող եւ կողմնակալ>>: Պաշտօնական Անգարան յայտնած է նաեւ, որ այս մասին իրենց մտահոգութիւնները յայտնած են Թուրքիոյ մօտ Վատիկանի դեսպանին եւ քննարկումներու համար Սուրբ Աթոռէն ետ կանչած են նաեւ Թուրքիոյ դեսպան Մեհմեթ Փաչաճըն:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ