By Asbarez | Tuesday, 14 April 2015
ՆԻՒ ԵՈՐՔ - <<Նիւ Եորք Թայմզ>> օրաթերթը կը գրէ, թէ մինչ Թուրքիոյ արտաքին գործոց նախարարութեան պաշտօնական կայքին մէջ կը շեշտուի, որ երկրի ապահովական հարցերուն մէջ ՆԱԹՕին վերապահուած է առանցքային դերակատարութիւն, այդ դաշինքին մէջ Թուրքիոյ դերը այնքան անորոշ չէ եղած, որքան հիմա:
Թերթը լուսարձակի տակ առած է Թուրքիոյ հետ կապուած երեք հարցեր, որոնք վնաս կը հասցնեն ՆԱԹՕի սկզբունքներուն. անոնք են.
- Ինքզինք <<Իսլամական պետութիւն>> կոչող ահաբեկչական կազմակերպութեան դէմ պայքարին ոչ բաւարար մասնակցութիւնը.
- ՆԱԹՕի համակարգերուն չհամապատասխանող չինական հակահրթիռային համակարգեր գնելու մտադրութիւնը
- Ուքրանիոյ նկատմամբ Ռուսիոյ քայլերուն վերաբերեալ բաւական յստակ դիրքորոշում չարտայայտելը:
Նշուած է նաեւ, որ Թուրքիոյ նախագահ Ռեչեփ Թայիփ Էրտողանն ու երկրի կառավարութիւնը, որոնք ՆԱԹՕի հետ ամբողջական համագործակցութիւն չեն իրականացներ, բացայայտ կերպով դաշինքին սկզբունքներուն ու շահերուն հակասող դիրքորոշումներ որդեգրած են:
Թերթի քննադատութիւններէն զերծ չեն մնացած նաեւ վերջերս սերտացող ռուս-թրքական յարաբերութիւնները եւ Թուրքիոյ տարածքով ռուսական կազատար կառուցելու համաձայնութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ