By Asbarez | Tuesday, 14 April 2015
ԵՐԵՒԱՆ, <<Էրմենիահապեր>> - Թուրքիոյ վարչապետի գլխաւոր խորհրդական Էթյէն Մահճուպեան թրքական <<Քարար>> լրատուակայքին տուած հարցազրոյցին մէջ անդրադարձած է Հայոց Ցեղասպանութեան զոհերու յիշատակին նուիրուած Վատիկանեան պատարագին ընթացքին Հռոմի Ֆրանսիս պապի ելոյթին, որուն ընթացքին ան ըսած էր, թէ 20րդ դարու առաջին ցեղասպանութիւնը հայերուն դէմ կատարուած է:
Մահճուպեան նշած է, որ մինչ Պոսնիոյ կամ Տարֆուրի դէպքերը ցեղասպանութիւն կը համարուին, անկարելի է պնդել, թէ 1915ի դէպքերը ցեղասպանութիւն չէին:
<<Վատիկան իր վրայէն նետեց հարիւրամեայ հոգեբանական ծանրութիւնը: Հիմա պէտք է հակառակ կողմէն նայիլ հարցին եւ ոչ թէ հարցնել, թէ ինչու է օգտագործուած ցեղասպանութիւն բառը, այլ՝ թէ ինչպէս Վատիկան 100 տարի խուսափած է այդ բառէն: Վատիկանը կրնար աւելի կանուխ ընել այդ մէկը, բայց չէր ըրած>>:
Ան նշած է նաեւ, որ պապի խօսքերուն մէջ քաղաքական կողմ փնտռելը սխալ է, քանի որ թէ՛ հայերուն համար եւ թէ օտարներուն անիկա աւելի շատ հոգեբանական նշանակութիւն ունի:
100 տարի անց, պապին կողմէ <<ցեղասպանութիւն>> բառի օգտագործումը, ըստ Մահճուպեանի էական նշանակութիւն չունի:
<<Սակայն կարեւորը այդ բառը չէ: Կարեւորը անցեալէն դասեր քաղելով միասին ապագայ կերտելն է: Կարեւոր է 100 տարի առաջ տեղի ունեցածին միասին նայիլ: Կարեւոր է այսօր, այստեղ ապրող մարդոց իրարու հասկաընալն ու հաղորդակցիլը>>, ընդգծած է Տաւութօղլուի խորհրդականը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
