By Asbarez | Friday, 17 April 2015
ԵՐԵՒԱՆ, <<Արմետիա>> - Սպանիոյ ինքնավար մարզերէն մէկը հանդիսացող Պասքերու Երկիրի խորհրդարանը Ապրիլ 16ին վաւերացուցած է Հայոց Ցեղասպանութիւնը դատապարտող յայտարարութիւն մը, կը հաղորդէ Սպանիոյ մօտ Հայաստանի դեսպանատունը:
Յայտարարութիւնը կը նշէ, որ, համաշխարհային Ա. պատերազմի տարիներուն, Օսմանեան կայսրութեան մէջ սպանդի ու տեղահանութեան ենթարկուած է աւելի քան 1.5 միլիոն հայ, եւ Հայոց Ցեղասպանութիւնը մարդկութեան պատմութեան ամենահրէշային ցեղասպանութիւններէն մէկն է:
Պասքերու խորհրդարանի անդամները նաեւ նշած են, որ հակառակ միջազգային հանրութեան կոչերուն՝ Թուրքիոյ կառավարութիւնը կը շարունակէ ուրանալ Հայոց Ցեղասպանութիւնը: Միանալով միջազգային հանրութեան, Պասքերու խորհրդարանը կոչ ըրած է Թուրքիոյ, որ անյապաղ ճանչնայ Հայոց Ցեղասպանութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
