By Asbarez | Thursday, 16 April 2015
ԵՐԵՒԱՆ, <<Եռագոյն>>.- Գերմանիոյ նախագահ Եոաքիմ Կաուք եւ վարչապետ Անկելա Մերքել պիտի չմասնակցին Թուրքիոյ մէջ Կալիփոլի ռազմական գործողութիւններու 100ամեակին նուիրուած ձեռնարկներուն, հաղորդած է թրքական <<Զաման>> թերթը, որ նշած է, թէ նախագահ Կաուք իր նախապատուութիւնը տուած է հայերուն: Ան Պերլինի մէջ պիտի մասնակցի Հայոց Ցեղասպանութեան զոհերու յիշատակին նուիրուած պատարագին եւ հանդէս պիտի գայ ելոյթով:
<<Հետաքրքրական է. արդեօք նախագահը 1915 թուականը բնորոշելու համար պիտի արտաբերէ՞ <<ցեղասպանութիւն>> բառը>>, հարց կու տայ <<Զաման>>, աւելցնելով, որ Կաուք Գերմանիոյ առաջին նախագահն է, որ պիտի մասնակցի Հայոց Ցեղասպանութեան նուիրուած ձեռնարկին:
Կը նշուի նաեւ, որ վարչապետ Մերքել <<գերզբաղուածութեան>> պատճառով պիտի չմեկնի Թուրքիա, իսկ Գերմանիոյ խորհրդարանին մէջ Ապրիլ 24ին Հայոց Ցեղասպանութեան 100ամեակին առիթով յատուկ նիստ պիտի գումարուի:
Երեւանի Հայոց Ցեղասպանութեան 100ամեակին նուիրուած ձեռնարկներուն պիտի մասնակցի Գերմանիոյ Եւրոմիութեան հարցերով նախարար Մայքըլ Ռոթ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ