By Asbarez | Monday, 27 April 2015
ՍՈՖԻԱ, <<Էյ.Փի.>> - Ապրիլ 24ին, Պուլկարիոյ խորհրդարանը 157 թեր եւ 36 դէմ քուէներով որդեգրեց բանաձեւ մը՝ նշելով, որ Պուլկարիա <<կը ճանչնայ 1915-1922 տարիներուն, Օսմանեան կայսրութեան կողմէ իրականացուած հայ ժողովուրդին ցեղասպանութիւնը>>, ինչպէս նաեւ Ապրիլ 24ը նշանակեց հայերու <<զոհերու յիշատակը յարգելու օր>>:
Պուլկարիոյ վարչապետ Պոյքու Պորիսով խորհրդարանին մէջ տրուած մամլոյ ասուլիսի մը ընթացքին յայտարարեց. <<Պէտք է ճանչնալ Ցեղասպանութիւնը>>, որուն ենթարկուեցան հայերը՝ յոյս յայտնելով, որ <<թրքական պետութիւնը նկատի ունենայ օսմանեան իշխանութեան եւ արդի Թուրքիոյ միջեւ մեր կատարած տարբերակումը>>:
<<Պատմութիւնը պատմութիւն է եւ զոհերը՝ զոհեր, իսկ այդ օրը (Ապրիլ 24ին) պէտք է յարգուի անոնց յիշատակը>>, ըսաւ Պորիսով:
<<Երկիր Մեդիա>> կը հաղորդէ, թէ Թուրքիոյ արտաքին գործոց նախարարութիւնը այս գծով բացատրութիւն տալու հրաւիրած է Անգարայի մօտ Պուլկարիոյ դեասպան Կրասիմիր Տուլեցկինը։
Իր կարգին, Թուրքիոյ արտաքին գործոց նախարարութիւնը յայտարարած է, որ փաստաթուղթին վաւերացման համար պատասխանատու կը նկատէ Պուլկարիոյ <<ծայրայեղ ազգայնական, այլատեաց եւ ցեղամոլ>> <<Աթաքա>> կուսակցութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ