By Asbarez | Wednesday, 13 May 2015
ԹԵՀՐԱՆ, <<Ֆարս>> - Իրանի արտաքին գործոց նախարարութեան բանբեր Մուրտիյա Աֆխամ քննադատեց Թուրքիոյ վարչապետ Ահմետ Տաւութօղլուի՝ առանց Դամասկոսէն արտօնութիւն առնելու, Օսմանեան կայսրութեան հիմնադիրի մեծ հօր դամբարանը այցելելու պատրուակով, սուրիական հողեր մուտք գործելը՝ զայն նկատելով վտանգաւոր քայլ մը, որ շրջանի կացութիւնը աւելի կը բարդացնէ: Աֆխամ ցաւ յայտնեց, որ կարգ մը երկիրներ շրջանի զարգացումներուն եւ կացութեան շուրջ սխալ հաշիւներ կը կատարեն: Ան շեշտեց, որ անհրաժեշտ է զգուշանալ գրգռիչ որեւէ քայլէ՝ աւելցնելով, որ պէտք է յարգել միջազգային օրէնքներն ու երկիրներու գերիշխանութիւնը, որովհետեւ ատիկա սկզբունք մըն է, որուն պէտք է յանձնառու մնան բոլոր երկիրները:
Տաւութօղլուի քայլը քննադատեց նաեւ Սուրիոյ արտաքին գործոց փոխնախարար Ֆայսալ Մքտատ, իսկ սուրիական պետական <<Սանա>> լրատու գործակալութիւնը Տաւութօղլուի այցելութիւնը նկատեց <<յստակ նախայարձակում>> մը: <<Առանց Սուրիոյ կառավարութեան արտօնութեան Տաւութօղլուի սուրիական հողամասեր ներթափանցելը ՄԱԿի անդամ գերիշխան պետութեան մը նկատմամբ յստակ նախայարձակում մըն է եւ միջազգային օրէնքի խախտում>>, գրած է <<Սանա>>՝ աւելցնելով, որ ատիկա ընտրական հաշիւներով կատարուած քայլ մըն էր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ