By Asbarez | Thursday, 14 May 2015
ԵՐԵՒԱՆ, <<Նիուզ>> - Ղարաբաղեան հակամարտութեան կարգաւորման միջազգային միջնորդները կը ծրագրեն այցելել ղարաբաղեան հակամարտութեան տարածաշրջան, <<Նիուզ>>ի Ուաշինկթընի թղթակիցին յայտնեց ԵԱՀԿ Մինսկի խմբակի ամերիկացի համանախագահ, դեսպան Ճէյմզ Ուորլիք:
Մեկնաբանելով անցեալ շաբաթ Ուաշինկթընի մէջ կայացած Հայաստանի նախագահ Սերժ Սարգսեանի հետ իր հանդիպումը, Ուորլիք նշեց, որ քննարկած են ղարաբաղեան հակամարտութեան կարգաւորման հնարաւոր ուղիները:
<<Մենք միշտ կ՛օգտագործենք թէ՛ նախագահ Սարգսեանի, եւ թէ նախագահ Ալիեւի, ինչպէս նաեւ, տարածաշրջան այցի ընթացքին Լեռնային Ղարաբաղի փաստացի իշխանութիւններուն հետ բանակցելու որեւէ հնարաւորութիւն>>, նշեց միջնորդը:
Ըստ անոր՝ Հայաստանի եւ Ատրպէյճանի նախագահները բանակցութիւններու աշխուժացում կը փափաքին:
<<Նախագահներու հանդիպման թուականը տակաւին յստակեցուած չէ, սակայն երկու նախագահներն ալ երկխօսութիւնը աշխուժացնելու փափաք յայտնած են, եւ քանի որ միջնորդներու դերը բնականոն բանակցային գործընթաց ապահովելն է, մենք յառաջիկային պիտի այցելենք տարածաշրջան՝ նախագահներու հանդիպումը նախապատրաստելու համար>>, նշեց դեսպանը, նշելով, որ հակամարտութեան բոլոր կողմերը ներկայիս կ՛ուզեն հասնիլ խաղաղ կարգաւորման:
<<Այս հակամարտութիւնը արդէն շատ երկար տեւած է եւ բազմաթիւ կեանքեր խլած: Կ՛ուզենք, որ վերջ դրուի անոր>>, ամփոփեց ամերիկացի դիւանագէտը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
