By Asbarez | Tuesday, 19 May 2015
ԱՆԳԱՐԱ, <<Ռոյթըրզ>> - Թուրքիոյ վարչապետ Ահմետ Տաւութօղլու, անդրադառնալով Շաբաթ օր շրջանառութեան մէջ դրուած այն տեղեկութեան, որ թրքական օդուժը Թուրքիա-Սուրիա սահմանին վրայ վար առած է սուրիական օդանաւ կամ ուղղաթիռ մը՝ Մայիս 17ին յայտնեց, որ թրքական երկու <<Էֆ. 16>> տիպի ռազմական օդանաւեր թռիչք առած են Ատանայէն, երբ տեղեկութիւն ստացած են, որ <<սուրիական ուղղաթիռ մը>> խախտած է թրքական օդային սահմանը, եւ հակառակ զգուշացումներուն՝ 7 քիլոմեթր խորացած նշեալ օդային տարածքին մէջ:
Ըստ Տաւութօղլուի՝ թրքական օդանաւերը երկու հրթիռով Ալեքսանտրեթ քաղաքի սահմանամերձ օդային տարածքին մէջ <<ամբողջովին ոչնչացուցած են>> սուրիական ուղղաթիռը:
<<Սուրիական կողմէն որեւէ հակազդեցութիւն չեղաւ, եւ մենք ամենայն խստութեամբ պիտի հակադարձենք անոր կողմէ որեւէ հակազդեցութեան>>, ըսաւ Տաւութօղլու:
Իր կարգին, սուրիական պատկերասփիւռի կայանը հերքեց նշեալ լուրը՝ նշելով, որ վար առնուածը տեղեկահաւաք կատարող անօդաչու թռչող սարք մըն էր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ