By Asbarez | Friday, 22 May 2015
ԴԱՄԱՍԿՈՍ, <<Ռոյթըրզ>> - Մայիս 20-21 լուսցող գիշերուան ընթացքին, <<Իսլամական պետութիւն>> ահաբեկչական խմբաւորումը գրաւեց սուրիական հնադարեան Փալմիր քաղաքը, ուր գտնուող սուրիական բանակի զինուորներ վերջին քանի մը շաբաթներուն դէմ կը դնէին պատմական արժէք ներկայացնող հնութիւններ քանդելը սովորութեան վերածած իսլամ ծայրայեղականներու յառաջխաղացքին:
Սուրիոյ հնագիտական հարստութեանց պատասխանատուն, որ Մայիս 20ին կոչ ըրած էր միջազգային համայնքին՝ նպաստելու պատմական Փալմիր քաղաքը պաշտպանելու ջանքերուն, Մայիս 21ին տեղեկացուց, թէ կարելի եղած է քաղաքի թանգարանէն կարեւորագոյն հնութիւնները Դամասկոս փոխադրել։
ԵՈՒՆԵՍՔՕ եւս Մայիս 21ին մտահոգութիւն յայտնեց այս իրադարձութեան գծով, կոչ ընելով միջազգային համայնքին, որ քաղաքակրթութեան հնագոյն եւ ամէնէն արժէքաւոր կառոյցներէն մէկուն ամբողջական քանդումին դէմ կենայ, <<որովհետեւ անիկա ամբողջ մարդկութեան կը պատկանի եւ անոր քանդումը ոչ միայն պատերազմական ոճիր մը, այլ նաեւ մարդկութեան համար մեծ կորուստ մը պիտի ըլլայ>>։
Միւս կողմէ, այս շաբթուան ընթացքին երկրորդ անգամն ըլլալով հրթիռներ ինկած են Դամասկոսի ռուսական դեսպանատան մօտերը, առնուազն մէկ զոհ խլելով եւ վիրաւորելով երեք ուրիշներ։ ՄԱԿի Ապահովութեան խորհուրդը դատապարտած էր Երեքշաբթի օրուան յարձակումը, որ միայն նիւթական վնասներ պատճառած էր։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
