By Asbarez | Saturday, 13 June 2015
ԵՐԵՒԱՆ, <<Նիուզ>> - Արցախի Հանրապետութեան վարչապետ Արա Յարութիւնեան՝ գիւղատնտեսութեան ոլորտի պատասխանատուներուն ընկերակցութեամբ, 12 Յունիսին այցելած է Ասկերանի եւ Մարտակերտի շրջաններ՝ բերքահաւաքի եւ տնտեսական ծրագիրներուն ընթացքին ծանօթանալու նպատակով:
Վարչապետին առաջին կանգառը եղած է <<Գիւղի եւ գիւղատնտեսութեան աջակցութեան>> հիմնադրամի՝ Ասկերանի մթերման կեդրոնը, ուր այս օրերուն կը մթերուի գարիի բերքը: Ա. Յարութիւնեան պատասխանատուներէն ծանօթացած է կատարուող աշխատանքներուն մասին: Ասկերանի վարչակազմի ղեկավար Սերգէյ Գրիգորեանի ընկերակցութեամբ՝ կառավարութեան ղեկավարը մեկնած է շրջանի դաշտեր եւ, տեղւոյն վրայ ծանօթանալով աշխատանքներուն, գոհունակութիւն յայտնած է հունձքի եւ հրդեհի կանխարգիլման նախաձեռնութիւններուն համար։
Վարչապետը Մարտակերտի շրջանային վարչակազմի ղեկավար Վլադիկ Խաչատրեանի հետ այցելած է նաեւ սահմանամերձ Մատաղիսի եւ Թալիշի դաշտեր, ուր, բացի աշնանացան մշակաբոյսերու բերքահաւաքէն, գարնանացան երկրագործական մշակման աշխոյժ աշխատանքներ կը կատարուէին: Ա. Յարութիւնեան ծանօթացած է համագործակցականի հիման վրայ իրականացուող աշխատանքներուն, տուած է համապատասխան յանձնարարականներ:
Արա Յարութիւնեան այնուհետեւ այցելած է <<Golden-fish>> ընկերութեան կողմէ Մատաղիսի մէջ սեւ ձկնկիթի արտադրութեան համար կառուցուող ձկնաբուծարան, ուր արդէն մանրաձկան առաջին խմբաքանակը դրուած է: Վարչապետը շրջագայած է նորակառոյց ձկնաբուծարանի տարածքին մէջ, ընկերութեան ներկայացուցիչները անոր ծանօթացուցած են կատարուած աշխատանքները։ Պատասխանատուներուն համաձայն՝ ձեռնարկութիւնը շուրջ 3 տարիէն կը սկսի արտածելու մեծ քանակութեամբ ձուկ, իսկ 5 տարիէն՝ սեւ ձկնկիթ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ