By Asbarez | Wednesday, 15 July 2015
ԵՐԵՒԱՆ, <<ՓանԱրմինիըն>> - Արցախի մարզիկները պիտի մասնակցին Չինաստանի մայրաքաղաքին մէջ կայանալիք քոնկ ֆուի աշխարհի ախոյեանութեան, որ տեղի պիտի ունենայ 17-22 Յուլիս: Այդ մասին յայտնած է միջազգային կարգի մարմնակրթութեան վարպետ, Լեռնային Ղարաբաղի ուշուի դաշ-նակցութեան գլխաւոր մարզիչ Դաւիթ Գրիգորեան։ Այս մասին կը գրէ <<Արցախփրէս>>ը։
Անոր համաձայն՝ Քոնկ ֆուի միջազգային դաշնակցութեան կազմակերպած ախոյեանութեան պիտի մասնակցին աւելի քան 80 երկիր ներկայացնող մարզիկներ: Արցախ պիտի մասնակցի 3 մարզիկով: 18էն բարձր տարիքային խումբի մինչեւ 52 քկ. ծանրութեան դասակարգէն հանդէս պիտի գայ աշխարհի ախոյեան Վարդգէս Մանասեան, Հայկ Խաչեան պիտի պայքարի 17-18 տարիքային խումբին մէջ (մինչեւ 56 քկ.), իսկ Հայկ Գասպարեան՝ 15-16 տարիքային խումբին մէջ (մինչեւ 56 քկ.)։
<<Վերոյիշեալ մարզիկներն այս տարի դարձել են Հայաստանի Կունգ ֆու սանդայի յաղթողներ, ինչի արդիւնքում հրաւիրուել են մասնակցելու աշխարհի պեկինեան առաջնութեանը>>, յայտնած է Գրիգորեան:
Խօսելով նպատակադրումներուն մասին՝ գլխաւոր մարզիչը ընդգծած է, որ կ՛ուզէ առաջին հերթին աշխարհին ապացուցել, թէ Արցախի մարզիկները իրենց պատրաստուածութեամբ չեն զիջիր միւս մարզիկներուն։
<<Բացի այդ, մեզ համար կարեւոր է փորձի փոխանակումը, առաւել եւս, որ այդ սպորտաձեւի հայրենիքը Չինաստանն է>>, աւելցուցած է Գրիգորեան: Ան համոզուած է, որ Պէյճինկի մէջ կայանալիք այս ախոյեանութիւնը պիտի նպաստէ նաեւ Արցախի միջազգային ճանաչման:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ