By Asbarez | Tuesday, 28 July 2015
ԵՐԵՒԱՆ, <<Նիուզ>>.– <<Եահու Թրեվըլ>> ճամբորդութիւններու նշանաւոր կայքը հրապարակած է յօդուած մը Գիւմրիի մէջ արդէն 75 տարիէ ի վեր գործող վարսավիրանոցին մասին:
<<Այստեղ ամէն բան իրական է՝ վարսավիրները, կահաւորումը, սարքաւորումը, որոնք բոլորն ալ անփոփոխ մնացած են տասնամեակներ շարունակ: Կարմիր նստարաններով աթոռները այստեղ դրուած են արդէն 50 տարիէ ի վեր, իսկ գլխաւոր վարսավիրը կ՛աշխատի 60 տարիէ ի վեր: Խաչիկ Արիստակէսեան 84 տարեկան է>>, կը գրէ յօդուածագիր Կրեկ Քերակէօզեան:
Ան նշած է, որ պատահաբար գտնուած է այդ վայրին մէջ՝ դիտել տալով, թէ հայու մը համար, որ երբեք չէ այցելած այս երկիրը, նման վարսավիրանոց մը անկասկած կենդանի թանգարան է, որ անփոփոխ մնացած է խորհրդային տարիներէն: Սակայն վարսավիրանոցի գլխաւոր հմայքը նոյնինքն իրենք՝ վարսավիրներն են, որոնք գիտեն Գիւմրին այնպէս, ինչպէս ուրիշ ոչ ոք: <<Մինչեւ օրս վարսավիրանոցը կը հանդիսանայ այնպիսի վայր մը, ուր մարդ ո՛չ միայն մազ կը կտրէ, այլ վայր մը, ուր կարելի է հանգստանալ՝ թերթ կարդալով, հանդիպիլ ընկերներու, ծխախոտ ծխել, ուր կարելի է երթալ որդիիդ ընկերակցութեամբ եւ ուր թնդացող ծիծաղը կրնայ հին պատերը շարժել>>, կը գրէ հեղինակը:
Վարսավիրանոցը <<վերապրած է>> երկրաշարժէն եւ ոչ մէկ փոփոխութեան ենթարկուած է 1982էն ետք։
Վարսավիրանոցի առաջարկած ծառայութիւններէն հեղինակը կ՛որոշէ սափրուիլը, որուն փոխարէն վարպետ Դաւիթը ոչ մէկ դահեկան կ՛առնէ, հակառակ հեղինակին պնդումներուն։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ