By Asbarez | Thursday, 06 August 2015
ԵՐԵՒԱՆ, <<Արմէնփրէս>>.– <<Հայփոստ>>ը պաշտօնապէս հրապարակեց եւ շրջանառութեան մէջ դրաւ Համահայկական ամառնային 6րդ խաղերը խորհրդանշող նոր, գեղաթերթիկ եւ դրոշմաթուղթ: Դրոշմաթուղթի հրապարակման հանդիսաւոր արարողութեան ներկայ էին Հայաստանի կապի եւ փոխադրամիջոցներու փոխնախարար Գագիկ Թադեւոսեան, ըմբշամարտի աշխարհի ախոյեան Վաղինակ Գալստեան, Համահայկական խաղերու համաշխարհային կոմիտէի անդամներ Տիգրան Ալթուն, Հերմինէ Դուզեան եւ Յակոբ Կիռմիզեան, խաղերու կազմակերպական կոմիտէի անդամ Յարութիւն Եաւրեան, <<Հայփոստ>>ի գլխաւոր գործադիր տնօրէն Հայկ Աւագեան, <<Հայաստանի ֆիլատելիստների միութեան>> նախագահ Հովիկ Մուսայէլեան:
Փոխնախարար Գագիկ Թադեւոսեանի համաձայն՝ բարի աւանդութիւն դարձած է յատկանշական բոլոր առիթներուն նուիրուած գեղաթերթիկ, դրոշմաթուղթ կամ ծրար ունենալը: <<Համահայկական ամառային 6րդ խաղերն այնքան նշանակալից են մեր ազգի համար, որ նախարարութեան նամականիշների խորհուրդն ու <<Հայփոստ>> ընկերութիւնը որոշեցին ստեղծել թէ՛ ծրար, թէ՛ գեղաթերթիկ, թէ՛ նամականիշ: Յատկանշական է, որ միջոցառմանը մասնակցեցին Համահայկական խաղերի գործադիր խորհրդի անդամներ, հայ նշանաւոր մարզիկներ, Ֆիլատելիստների միութեան նախագահը, <<Հայփոստ>> ընկերութեան տնօրէնը>>, յայտնած է Գագիկ Թադեւոսեան: Ըստ փոխնախարարին՝ դրոշմաթուղթը մեծ տպաքանակով հրապարակուած է՝ ամբողջ աշխարհով սպառելու նպատակով: <<Սա գնում է համալրելու համաշխարհային ֆիլատերիայի նմուշները:
Կարծում եմ՝ Համահայկական ամառային խաղերին նուիրուած նամականիշն իր ուրոյն տեղը կը զբաղեցնի համաշխարհային նամականիշների շարքում>>, աւելցուցած է փոխնախարարը:
Համահայկական խաղերու համաշխարհային կոմիտէի անդամ Հերմինէ Դուզեան, որ կը ներկայացնէ Ֆրանսան, հպարտ է նման նախաձեռնութեան մասնակցելուն համար: Ըստ անոր՝ դրոշմաթուղթին միջոցով մեծ ծանօթութիւն պիտի ունենան թէ՛ Համահայկական խաղերը եւ թէ Հայաստանը:
Համահայկական ամառնային 6րդ խաղերուն նուիրուած գեղաթերթիկին վրայ պատկերուած է խաղերուն ոսկի մետալին զոյգ կողմերը, ոճաւորուած կերով պատկերուած են խաղերու լոկօն ու բաժակը, ինչպէս նաեւ նշուած են այն քաղաքները, ուր տեղի կ՛ունենան խաղերը՝ Երեւան, Գիւմրի, Վանաձոր, Ստեփանակերտ: Դրոշմաթուղթին վրայ պատկերուած է մարզադաշտ՝ վեց հիմնական մարզաձեւերով, ինչպէս նաեւ Համահայկական խաղերու լոկօն:
Ձեւաւորումը կատարած է Դաւիթ Տովլաթեան: Տպաքանակը 20 հազար օրինակ է, դրոշմաթուղթին չափերը՝ 28/45 մմ., գեղաթերթիկին չափերը՝ 52/77 մմ.:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ