By Asbarez | Thursday, 13 August 2015
ՄՈՍԿՈՒԱ, <<Ռոյթըրզ>>.- Սէուտական Արաբիոյ արտաքին գործոց նախարար Ատել Ճուպէյր Օգոստոս 11ին այցելեց Մոսկուա, ուր հանդիպում ունեցաւ իր ռուս պաշտօնակից Սերկէյ Լաւրովի հետ, քննելով Սուրիոյ, Եմէնի, Իրաքի եւ Լիպիոյ հարցերը:
Հանդիպումէն ետք տրուած մամլոյ ասուլիսին ընթացքին Ճուպէյր ընդգծեց. <<Քննեցինք Սուրիոյ կացութիւնը եւ տագնապին քաղաքական լուծում մը գտնելու կարեւորութիւնը։ Այս գծով Սէուտական Արաբիոյ կեցուածքը չէ փոխուած>>, ապա պնդեց, որ Սուրիոյ նախագահ Պաշշար Ասատ <<խնդիրին մաս կը կազմէ եւ ոչ թէ լուծումին>>:
Իր կարգին, Լաւրով ըսաւ, որ Ճուպէյրի հետ քննած է ահաբեկչութեան եւ մասնաւորաբար <<Իսլամական պետութեան>> դէմ պայքարի ջանքերը միաւորելու հարցը՝ աւելցնելով. <<Հակառակ Սուրիոյ հարցով Սէուտական Արաբիոյ հետ կարգ մը տարակարծութեանց, մեր կեցուածքներու մեծամասնութիւնը իրարու համահունչ է>>:
Լաւրով նաեւ յոյս յայտնեց, որ Իրանի հիւլէական ծրագիրին շուրջ համաձայնութիւնը կը նպաստէ Իրանի եւ Ծոցի արաբական երկիրներուն միջեւ երկխօսութեան սկսման:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
