By Asbarez | Friday, 28 August 2015
ՄՈՍԿՈՒԱ, <<Ռոյթըրզ>> - Ռուսիոյ նախագահ Վլատիմիր Փութին Օգոստոս 26ին Եգիպտոսի նախագահ Ապտել Ֆաթթահ Սիսիի հետ իր հանդիպումէն ետք յայտարարեց, որ Եգիպտոսի նախագահին հետ գոյացուցած է համաձայնութիւն մը՝ երկու երկիրներուն միջեւ տնտեսական գործակցութիւնը ամրապնդող քայլերու շուրջ, որոնց շարքին՝ Եգիպտոսի, Արաբական Միացեալ Էմիրութիւններու եւ Ռուսիոյ միջեւ հասարակաց ծրագիրներու հիմնադրամի մը հաստատումը:
<<Համաձայնութիւն գոյացուցինք ահաբեկչութեան եւ ծայրայեղական կազմակերպութիւններու տարածման դէմ պայքարելու համար՝ Ռուսիոյ, Եգիպտոսի եւ Սուրիոյ մասնակցութեամբ շրջանային լայն ճակատ մը ստեղծելու շուրջ>>, ըսաւ Փութին։
Ռուսիոյ նախագահը յայտնեց, որ Եգիպտոսի մէջ կը գործեն 400 ռուսական ընկերութիւններ, եւ համաձայնութիւն գոյացուած է Եգիպտոսի հետ փոխադարձ առեւտուրը աճեցնելու եւ ատոր դիմաց ծառացող դժուարութիւնները վերացնելու, ինչպէս նաեւ Եգիպտոսի մէջ հիւլէական կայան մը կառուցելու շուրջ: <<Եգիպտոսը ռուս զբօսաշրջիկներու համար վերածուած է արտասահմանեան լաւագոյն վայրի, եւ անցեալ տարի հոն այցելած են 3.5 միլիոն ռուսեր>>, ըսաւ Փութին:
Իր կարգին, Սիսի յայտարարեց, որ Եգիպտոսի ժողովուրդը նախանձախնդիր է տարբեր մարզերու մէջ Ռուսիոյ հետ գործակցութիւնը սերտացնելու ջանքերուն հանդէպ։ Ան մասնաւորաբար շեշտեց ահաբեկչութեան դէմ պայքարին մէջ երկու երկիրներուն միջեւ գործակցութեան կարեւորութիւնը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
