By Asbarez | Friday, 25 September 2015
ՄՈՍԿՈՒԱ, <<Ռոյթըրզ>> - Ռուսիա գոհ է Թուրքիոյ հետ յարաբերութիւններու զարգացումէն. Սեպտեմբեր 23ին այսպէս ըսած է Ռուսիոյ նախագահ Վլատիմիր Փութին, Մոսկուայի մէջ իր թուրք գործընկեր Ռեչեփ Թայիփ Էրտողանի հետ հանդիպումին ընթացքին:
Ան նշած է, որ Ռուսիոյ եւ Թուրքիոյ միջեւ յարաբերութիւնները կը շարունակուին ամէնէն բարձր մակարդակով:
Խօսելով առեւտրական եւ տնտեսական կապերուն մասին՝ Փութին նշած է, որ հակառակ շարք մը հանգամանքներով պայմանաւորուած բարդութիւններուն, Ռուսիա կը մնայ Թուրքիոյ երկրորդ առեւտրական-տնտեսական գործընկերը:
Ռուսիոյ նախագահը Էրտողանին հետ հանդիպումին ընթացքին անդրադարձած է Թուրքիոյ մէջ տեղի ունենալիք արտահերթ խորհրդարանական ընտրութիւններուն:
Թէեւ թրքական կայքերը նշած են, որ ռուս ղեկավարը Էրտողանը ողջունած է թրքերէնով, սակայն ռուսական կայքերուն մէջ նման տեղեկութիւն չկայ:
Նշենք նաեւ, որ նոյն օրը, Մոսկուայի մէջ նորոգութեան աշխատանքներու աւարտէն ետք տեղի ունեցած է գլխաւոր մզկիթին բացման արարողութիւնը, որուն ներկայ եղած են իսլամական երկիրներու բարձրաստիճան պաշտօնատարներ, անոնց շարքին՝ Էրտողանը եւ Պաղեստինի նախագահ Մահմուտ Ապպասը: Փութին եւս ներկայ գտնուած է արարողութեան:
Ռուսիոյ մէջ երկրորդ ամէնէն տարածուած կրօնը իսլամութիւնն է, որ ունի 15-23 միլիոն հետեւորդ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ