By Asbarez | Tuesday, 29 September 2015
ԹԵՀՐԱՆ, <<Ռոյթըրզ>> - Մեքքէյի մօտ գտնուող Մինայի մէջ անցեալ շաբաթ տեղի ունեցած հրմշտուքին պատճառով արձանագրուած իրանցի զոհերուն թիւը բարձրացաւ 155ի: Իրանեան դիւանագիտական աղբիւրներ <<Մայատին>>ին յայտնեցին, որ զոհերու շարքին են վեց դիւանագէտներ:
Իրանի գերագոյն հոգեւոր պետ Ալի Խամենէի սէուտական իշխանութենէն պահանջած է արձանագրուած զոհերուն համար ներում խնդրել իսլամ ժողովուրդէն: Նաեւ, Իրանի ընդհանուր դատախազ սէյիտ Իպրահիմ Ռայիսի սպառնաց Սէուտական Արաբիան «մինչեւ վերջ» դատական հետապնդումի ենթարկել՝ աւելցնելով, որ այս արկածը միջազգային օրէնքի հիմամբ դատական հետաքննութեան կը կարօտի, եւ Սէուտ արքայատոհմը պէտք է պատահարին վերաբերեալ բացատրութիւններ տայ:
Իրանի Քոմ քաղաքին մէջ կրօնական գիտութեանց հազարաւոր ուսանողներ բողոքի ցոյց մը կատարեցին եւ Մեքքէյի մէջ ուխտի ընթացքին արձանագրուած ողբերգութեան համար պատասխանատու նկատեցին Սէուտական Արաբիոյ կառավարութիւնը:
Սէուտական Արաբիոյ արտաքին գործոց նախարար Ատել Ճուպէյր, անդրադառնալով իր երկրին ուղղուած իրանեան քննադատութեանց՝ ըսաւ, թէ իր կարծիքով՝ <<իրանցիներուն համար աւելի լաւ կ՛ըլլայ, եթէ այս աղէտը քաղաքական շահագործման չենթարկեն>>: Ան աւելցուց, թէ գործուած է սխալ մը, որուն պատճառ դարձողները հաշուետուութեան պիտի ենթարկուին:
Նշենք, որ զոհերուն ընդհանուր թիւը 769ի հասած է։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ