By Asbarez | Friday, 09 October 2015
ԵՐԵՒԱՆ, <<Նիուզ>> - Ֆրանսայի խորհրդարանի պատգամաւոր Վալերի Պուայէ գրած է, որ Հոկտեմբեր 4ին, Սթրազպուրկի մէջ կայացած է <<Միլիոնաւոր ձայներ ընդդէմ ահաբեկչութեան>> խորագիրով հանդիպում մը, որուն մասնակցած է մօտաւորապէս 15 հազար հոգի՝ Ֆրանսայէն, Գերմանիայէն, Պելճիքայէն եւ Զուիցերիայէն։
Հաւաքին ընթացքին, Թուրքիոյ նախագահ Ռեչեփ Թայիփ Էրտողան Եւրոպայի երկիրներուն մէջ ապրող թուրքերուն կոչ ըրած է պահպանելու իրենց մշակոյթը՝ այդպիսով դիմակայելով ձուլման վտանգին:
Պուայէ նշած է, որ նախագահ Էրտողանի 2 ժամ տեւած ելոյթը լի էր իսլամական եւ ազգայնական կոչերով: Ըստ անոր՝ Էրտողան խօսած է նաեւ ահաբեկչութեան մասին, բայց չէ մեղադրած <<Իսլամական պետութիւն>>ը։
Պուայէ աւելցուցած է. <<1915 թուականի փախստականներու ժառանգորդները, որոնք ներկայիս ֆրանսական հողին վրայ կը բնակին, ստիպուած են հանդուրժելու ամբողջ Եւրոպայէն թուրք ազգայնականներու ժամանումը՝ համընդհանուր անտարբերութեան պաստառին վրայ:
Հայոց Ցեղասպանութեան 100ամեակին, Թուրքիա տակաւին չէ ճանչցած Ցեղասպանութիւնը: Կը ցանկայի իմանալ, թէ այդպիսի հանդիպում մը ինչպէ՞ս տեղի ունեցած է մեր երկիրին մէջ: Կ՛ուզէի իմանալ կառավարութեան դիրքորոշումը ֆրանս-թրքական յարաբերութիւններուն գծով>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ