By Asbarez | Tuesday, 10 November 2015
ԱԹԷՆՔ, «Ռոյթըրզ».- Քիւրտիստանի բանուորական կուսակցութեան բանտարկուած ղեկավար Ապտուլլահ Օճալանի անունը օգտագործելով՝ Թուրքիոյ իշխանութիւնները կեղծ յայտարարութիւն տարածած են. Երկուշաբթի, Նոյեմբեր 9ին այս մասին յայտնեց Օճալանի փաստաբան Ճենքիզ Չիչեք:
Չիչեք շեշտեց, թէ թրքական լրատուամիջոցները ստած են, երբ հաղորդած են, որ Օճալան քննադատած է քրտամէտ կուսակցութեան քաղաքականութիւնը։
Նշենք, որ Օճալանի կողմէ Յունաստանի դէմ բացուած դատին առաջին նիստը տեղի ունեցաւ Նոյեմբեր 9ին եւ ընթացքին Չիչեք Աթէնքը ամբաստանեց Օճալանի իրաւունքը ոտնակոխելով՝ զինք Թուրքիոյ իշխանութիւններուն յանձնած ըլլալու յանցանքով։ Օճալան Յունաստանէն կը պահանջէ 20,100 եուրօ՝ իբրեւ խորհրդանշական վնասուց հատուցում։ Եթէ շահի, ապա այդ գումարը պիտի նուիրէ Յունաստանի մէջ բարեսիրական հաստատութիւններու։ Դատավարութիւնը պիտի շարունակուի Փետրուար 22, 2016ին։
Օճալան կը պնդէ, որ 1999ին Յունաստանէն անուղղակի կերպով խոստում ստացած էր, որ իրեն ապաստանեալի իրաւունք պիտի տրուի, սակայն Աթէնք Քենիոյ եւ Միացեալ Նահանգներու իշխանութեանց մեղսակցութեամբ՝ կարգադրեց Օճալանը Անգարային յանձնելու գործողութիւն մը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ