By Asbarez | Thursday, 17 December 2015
Ռուս յայտնի դաշնակահար Եւկենի Քիսին ամերիկեան հեղինակաւոր <<Տը Նիւ Եորք Թայմզ>> օրաթերթին տուած հարցազրոյցին յայտարարեց, որ կը հրաժարի համերգներ ունենալ Թուրքիոյ մէջ, քանի դեռ թրքական կառավարութիւնը չէ ճանչցած 1915 թուականին հայերու զանգուածային սպանութիւնները իբրեւ Ցեղասպանութիւն: Այս մասին կը հաղորդէ <<Արմէնփրէս>>ը:
<<Ես կը հաւատամ, որ երբ մարդիկ նման պետութիւններու մէջ կը գիտնան, որ որոշ երաժիշտներ կը հրաժարին համերգ ունենալ այդտեղ, քանի որ անոնց հաճելի չէ, թէ ինչ կ՛ընեն այդ երկիրներու ղեկավարները, ատիկա մտաւորականները աւելի գիտակից պիտի դարձնէ>>, յայտնեց Քիսին՝ աւելցնելով, որ ինք չի դատապարտեր իր այն գործընկերները, որոնք համերգներ կ՛ունենան մենատիրական երկիրներու մէջ: <<Ատիկա անոնց ընտրութիւնն է>>, ըսաւ ռուս աշխարհահռչակ երաժիշտը, որ Դեկտեմբեր 16ին հրեայ երգահաններուն նուիրուած համերգ կ՛ունենայ <<Քարնըկի>> սրահին մէջ:
2015ի Ապրիլին Քիսինը այցելած էր Հայաստան, ուր լրագրողներու հետ հանդիպման ընթացքին ըսած էր, որ կոչով պիտի դիմէ համաշխարհային արուեստագէտներուն եւ մշակոյթի գործիչներուն, որպէսզի անոնք միջազգային հանրութեան յորդորեն ճանչնալ եւ դատապարտել Հայոց Ցեղասպանութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ