ՍՏԵՓԱՆԱԿԵՐՏ, <<Արցախփրէս>> - Արմատներով հադրութցի պարիթոն Սար Սարգսեան Սպանիոյ Լլորետ տէ Մար ծովափնեայ քաղաքին մէջ մասնակցած է <<Gran Fiesta>> միջազգային արուեստի մրցոյթին եւ նուաճած տարեկան <<Գրան Փրի>>ն:

<<Արցախփրէս>>ի հետ ունեցած զրոյցին ընթացքին Սար Սարգսեան նշած է, որ միջազգային արուեստի մրցոյթը կազմակերպած էր <<Fiestalonia Milenio>> միջազգային կազմակերպութիւնը:

<<Տարբեր երկրների շուրջ 100 ներկայացուցիչների հետ մասնակցելով երկու՝ <<Folk vocal>> եւ <<Pop Vocal>> անուանակարգերում արժանացել եմ երկու մրցանակի: <<Folk vocal>>ում, կատարելով <<Ղարաբաղի հորովել>> երգը, արժանացել եմ առաջին մրցանակի, իսկ <<Pop Vocal>>ում՝ Falvo <<Dicitencellovuje>> երգով՝ <<Գրան Պրի>>ի>>, ըսած է Սարգսեան եւ ընդգծած, որ իրեն համար ասիկա մեծ հպարտութիւն է , քանի որ մրցումին կը մասնակցէր նաեւ Ատրպէյճանէն եկած մեծ պատուիրակութիւն մը։ <<Իմ արցախցի երգչիս  յաղթանակով հայոց եռագոյնի ծածանումը  մեծ  խորհուրդ  ունի>>, հպարտութեամբ յայտարարած է Ս. Սարգսեան:

Ս. Սարգսեանի համաձայն՝ հակառակ անոր որ իր յաղթանակի պահուն Ատրպէյճանի ներկայացուցիչները շատ լարուած ու ջղային էին, բարեբախտաբար, որեւէ տհաճ միջադէպ չէ արձանագրուած։

Նշենք նաեւ, որ մրցոյթին Սար Սարգսեան ներկայացուցած է Կատարողական արուեստի համաշխարհային միութիւնը (WAPA)՝ նախագահ Արման Ղուկասեանի գլխաւորութեամբ: Նախորդ տարի արցախցի երգիչը Պուլկարիոյ եւ Խրուաթիոյ մէջ կայացած միջազգային մրցումներուն արժանացած էր  2 <<Կրան Փրի>>ի մրցանակին, Իտալիոյ եւ Խրուաթիոյ մէջ երկուքական անուանակարգերու մէջ 4 ոսկի մետալի եւ Լիթուանիոյ մէջ՝ <<Լաւագոյն դասական երգիչ>> անուանակարգի պարգեւին: