By Asbarez | Tuesday, 26 January 2016
ԴԱՄԱՍԿՈՍ, <<Ռոյթըրզ>> - Սուրիոյ բանակի սպայակոյտը յայտարարեց, որ սուրիական բանակը վերջին երկու օրուան ընթացքին, Լաթաքիոյ գիւղական հիւսիսային շրջանին մէջ իր վերահսկողութեան տակ առած է 18 գիւղեր՝ սպաննելով բազմաթիւ զինեալներ, մինչ այլ զինեալներ փախուստ տուած են դէպի Թուրքիա: Արդարեւ, բանակը իր վերահսկողութեան տակ առած է աւելի քան 120 քառակուսի քիլոմեթր տարածութիւն մը:
Սպայակոյտը յայտնեց, որ նշեալ քայլը ամբողջացումն է վերջին քանի մը օրուան ընթացքին շրջանին մէջ Սուրիոյ բանակին արձանագրած յառաջխաղացքին, մասնաւորաբար՝ Նահիէթ Ռապիհայի վրայ վերահսկողութեան հաստատման: Վերջինս կը նկատուի նշեալ շրջանին մէջ ահաբեկիչներու մեծագոյն կեդրոններէն մէկը:
Միւս կողմէ, Թուրքիոյ նախագահ Ռեչեփ Թայիփ Էրտողան յայտարարած է, որ Թուրքիա <<Իսլամական պետութեան>> դէմ պայքարող քրտական Ժողովրդավարական միութիւն կուսակցութեան պիտի չարտօնէ Եփրատ գետի արեւմտեան ափը անցնիլ՝ հերքելով այն լուրերը, թէ այդ քրտական կուսակցութեան զինեալները արդէն իսկ անցած են գետը:
Նաեւ, Ռուսիոյ պաշտպանութեան նախարարութիւնը հերքեց շաբաթավերջին տարաձայնուած այն լուրը, թէ Թուրքիոյ ուժերը դարձեալ վար առած են ռուսական ռազմական օդանաւ մը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ