By Asbarez | Tuesday, 02 February 2016
ԴԱՄԱՍԿՈՍ, <<Ռոյթըրզ>> - Սուրիոյ ներքին գործոց նախարարութիւնը հաղորդեց, որ Յունուար 31ին, Դամասկոսի գիւղական շրջաններուն մէջ գտնուող Սայիտա Զէյնապ շրջանը հարուածած երեք ականահարումներուն թիրախն էին խիտ բնակչութիւն ունեցող փողոց մը:
Ներքին գործոց նախարարութիւնը նշեց, թէ ականահարումներուն պատճառով արձանագրուած է 45 զոհ եւ 40 վիրաւոր: Ըստ կարգ մը տեղեկութեանց՝ զոհերուն թիւը 60 է:
Ժընեւի խաղաղութեան բանակցութիւնները շուքի տակ ձգած այս ականահարումներուն պատասխանատուութիւնը ստանձնեց <<Իսլամական պետութիւն>>ը:
Եւրոպական միութեան արտաքին քաղաքականութեան բարձրագոյն յանձնակատար Ֆետերիքա Մոկերինի դատապարտեց ականահարումները՝ նշելով, որ անոնց նպատակը քաղաքական հոլովոյթը ընթացքի մէջ դնելու փորձերը արգելակելն է: Ան նշեց, որ այդ արարքին հեղինակները կը փորձեն <<սպաննել>> խաղաղութեան հաստատման յոյսը:
Նշենք, որ Ժընեւի մէջ բանակցութիւնները տեղքայլի մէջ են, որովհետեւ ընդդիմադիրները կը շարունակեն իրենց հակակշիռին տակ գտնուող շրջաններուն կացութիւնը բարելաւելու նպատակով նախապայմաններ դնել կառավարութեան վրայ։ Ընդդիմադիրները Երկուշաբթի օր անջատ հանդիպում մը ունեցան ՄԱԿի յատուկ պատուիրակին հետ, որ կը յուսայ անուղղակի բանակցութիւններու սկսիլ Երեքշաբթի օր։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
