By Asbarez | Wednesday, 03 February 2016
ՈՒԱՇԻՆԿԹԸՆ - <<Ուաշինկթըն Փոս>>չ թերթը կը հաղորդէ, որ Միացեալ Նահանգներու նախագահի՝ <<Իսլամական պետութեան>> դէմ պայքարի գծով յատուկ ներկայացուցիչ Պրեթ ՄըքԿըրք այցելած է հիւսիսային Սուրիա, ուր հանդիպում ունեցած է քիւրտ ղեկավարներու հետ: Ասիկա, 2012ին Սուրիոյ մօտ Միացեալ Նահանգներու դեսպան Ռապըրթ Ֆորտի Դամասկոսէն հեռանալէն ի վեր՝ ամերիկեան վարչակազմէն պատասխանատուի մը <<առաջին բացայայտ այցելութիւնը>> որակուած է: ՄըքԿըրք շրջանին մէջ մնացած է երկու օր: Անոր այցելութեան հիմնական վայրը եղած է Քոպանին:
Թերթը կը գրէ. <<ՄըքԿըրք այցելած է Սուրիոյ հիւսիսի ինքնահռչակ քրտական տարածքը, որ կը կրէ Ռոճաւա անունը>>, որ կը նշանակէ արեւմուտք՝ ակնարկելով արեւմտեան Քիւրտիստանին:
<<Քննարկումներուն նպատակն էր <<Իսլամական պետութեան>> վրայ ճնշումը զօրացնելու ուղիներ որոնել>>, ըսած է Միացեալ Նահանգներու արտաքին գործոց նախարարութենէն աղբիւր մը:
<<Ուաշինկթըն Փոս>>չ կ՛աւելցնէ. <<Թուրքիան անհանգիստ է Սուրիոյ քրտական խմբաւորումներուն հզօրացումով, եւ հրասայլեր ու զօրքեր կ՛ուղարկէ սահման՝ սպառնալով զինուորական գործողութիւններու սկսիլ, չարտօնելու համար քրտական նոր տարածքային կազմաւորումի մը յառաջացումը>>:
Քրտական աղբիւրի մը տուեալներով՝ <<Միջազգային դաշինքէն պատուիրակութիւն մը հանդիպում ունեցած է քիւրտերէ եւ արաբներէ կազմուած Սուրիական ժողովրդավարական ուժեր դաշինքի ղեկավարներուն հետ>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
