By Asbarez | Tuesday, 09 February 2016
ԵՐԵՒԱՆ, <<Առաւօտ>> - 8 Փետրուարին Հայաստանի արտաքին գործոց նախարար Էդուարդ Նալբանդեան հանդիպում ունեցաւ Սերպիոյ խորհրդարանի նախագահ Մայա Կոյքովիչի հետ: Նախարարը արժեւորեց հայ եւ սերպ ժողովուրդներուն միջեւ ձեւաւորուած պատմական, աւանդական բարեկամական յարաբերութիւնները, որոնք լաւ հիմք կը հանդիսանան երկու երկիրներուն միջեւ համագործակցութեան զարգացման համար:
Մայա Կոյքովիչ նշեց, որ Սերպիան կարեւոր կը նկատէ բարեկամ Հայաստանի հետ յարաբերութիւններու զարգացումը, եւ ինք ուրախ է ըլլալով Սերպիոյ խորհրդարանի առաջին նախագահը, որ Հայաստան կ՛այցելէ։ Հանդիպման ընթացքին քննարկուեցան երկու երկիրներու խորհրդարաններու փոխգործակցութեան սերտացման եւ միջազգային կազմակերպութիւններու խորհրդարանական վեհաժողովներուն մէջ առաւել արդիւնաւէտ համագործակցութեան հարցեր:
Նախարար Նալբանդեան հիւրին ներկայացուց ղարաբաղեան հարցի լուծման ուղղութեամբ Հայաստանի եւ ԵԱՀԿ Մինսկի խումբի համանախագահներուն ջանքերը:
Մայա Կոյքովիչն ու անոր ընկերակցող սերպ խորհրդարանականները աւելի ուշ այցելեցին Ծիծեռնակաբերդ՝ յարգանքի տուրք մատուցելու մէկուկէս միլիոն նահատակներուն յիշատակին, եւ ուր ծաղկեպսակ զետեղեցին։ Անոնք նաեւ շրջագայեցան են Հայոց Ցեղասպանութեան թանգարան-հիմնարկին մէջ, ծանօթացան Ցեղասպանութեան վերաբերող նիւթերու եւ նկարներու, իսկ աւարտին Սերպիոյ խորհրդարանի նախագահը գրառում կատարեց յուշամատեանին մէջ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ