By Asbarez | Wednesday, 09 March 2016
ՊՈԼԻՍ, <<Ռոյթըրզ>> - Շարունակելով այլախոհ ձայները լռութեան մատնելու իրենց արշաւը՝ Թուրքիոյ իշխանութիւնները Երեքշաբթի, Մարտ 8ին իրենց հակակշիռին տակ առին նաեւ <<Ճիհան>> լրատու գործակալութիւնը, որ կապեր ունի անցած շաբաթավերջին գրաւուած ընդդիմադիր գլխաւոր թերթին՝ <<Զաման>>ի հետ։
Միւս կողմէ, <<Զաման>> սկսած է Գերմանիոյ մէջ հրատարակուելու՝ նկատի ունենալով, որ անիկա արդէն իսկ 14,000է աւելի բաժանորդներ ունի այդ երկրին մէջ։ Գերմանիա լոյս տեսած իր առաջին թիւի առաջին էջը սեւ տպուած է՝ կրելով միայն սպիտակ գիրերով հետեւեալ խորագիրը՝ <<Սահմանադրութիւնը æնջուած Է>>, մինչ Թուրքիոյ մէջ լոյս տեսնող <<Զաման>>ը կը շարունակէ գովաբանել նախագահ Ռեչեփ Թայիփ Էրտողանի <<իրագործումներ>>ը։
Նշենք, որ բրիտանական <<Ինտիփենտընթ>> թերթը Թուրքիոյ մէջ տիրող իրավիճակին նկատմամբ Եւրոպական Միութեան անտարբերութիւնը անուանած է ամօթալի՛: <<Եւրոմիութիւնը ամօթալի կերպով կ՛անտեսէ Թուրքիոյ մէջ մարդկային իրաւունքներու ոտնակոխումները եւ մենատիրութեան աճը>>, գրած է թերթը՝ նշելով, որ այդ մէկը կը կատարուի տեղահանուածներու ճգնաժամին հարցով Անգարայի հետ համագործակցելու ակնկալիքներուն պատճառով:
Էրտողանի հակաժողովրդավարական քայլերը քննադատած է նաեւ բրիտանական <<Թայմզ>>ը։ <<Մենատէրը Անգարայի Մէջ>> խորագրեալ յօդուածին մէջ թերթը գրած է. <<Հակառակ անոր, որ Թուրքիան կը հանդիսանայ անկայուն շրջանին մէջ ՆԱԹՕի կենսական դաշնակիցը, սակայն Արեւմուտքը պէտք է բացայայտ կերպով քննադատէ Էրտողանի հետզհետէ աճող մենատիրական քաղաքականութիւնն ու քմահաճ վարքը>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ