By Asbarez | Wednesday, 16 March 2016
ՓԱՐԻԶ - <<Նոր Յառաջ>> թերթը կը գրէ, թէ մինչ Թուրքիա սկսած է ընդունելու Յունաստանէն վերադարձուած գաղթականները, Եւրոմիութեան պետութիւնները կը շարունակեն քննարկել գաղթականներուն դէպի Եւրոպա հոսքը կասեցնելու ուղղութեամբ Թուրքիոյ հետ բանակցութիւններու խորապատկերը։
Արդարեւ, Աւստրիոյ ներքին գործոց նախարար Եոհաննա Միքըլ Լէյթնըր կասկած յայտնած է Անգարայի հետ նախատեսուած համաձայնութեան նպատակայարմարութեան հանդէպ։ <<Մտահոգիչ երեւոյթ է, որ ընդդիմադիր թերթի մը գրաւումէն երեք օր ետք՝ Թուրքիա պահանջներու ցանկ մը ներկայացնէ եւ վարձատրուի այցագիրի ջնջումի մասին կանխահաս բանակցութիւններով>>, ըսաւ ան։
Այլ մտահոգութիւն մը եւս կը վերաբերի գաղթականներու ընտրած ուղեգիծին։ Հիմա որ փակուած է Պալքաններու ճամբան, հարկ է նախատեսել Միջերկրական ծովու տարբերակը, որուն դէմ է Եւրոմիութիւնը, իսկ Իտալիա արդէն իսկ սկսած է այլ միջոցներ փնտռելու։
Միւս կողմէ, <<Մարմարա>> կը գրէ, թէ գլխաւոր ընդդիմադիր Հանրապետական ժողովրդային կուսակցութեան պետ Քեմալ Քըլըճտարօղլու քննադատած է համաձայնութիւնը։ <<Եկէք մե՛նք տանք 6 միլիառ եուրօ, եւ Եւրոպան թող ընդունի բոլոր սուրիացիները, աֆղաններն ու փաքիստանցիները>>, ըսած է ան։
Անդրադառնալով վարչապետի այն դիտարկումին, թէ Եւրոմիութեան հետ շահաւէտ սակարկութիւն մը եղած է, Քըլըճտարօղլու նշեց, որ իշխանութիւնները կրնան խորհիլ, թէ խաբած են եւրոպացիները, բայց իրականութեան մէջ՝ Թուրքիա դարձած է գաղթականներու հսկայ ճամբար մը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ