By Asbarez | Wednesday, 30 March 2016
ԵՐԵՒԱՆ, <<Արմէնփրէս>> - Հայաստանի տարածքային կառավարման եւ զարգացման նախարար Դաւիթ Լոքեան ընդունած է Հայաստանի մօտ Իրանի դեսպան Սէյետ Քազեմ Սաճատին:
Ողջունելով դեսպանը՝ նախարարը գոհունակութեամբ ընդգծած է, որ երկու երկիրներուն ժողովուրդներու բարեկամութեամբ ձեւաւորուած կապերը ամուր հիմք կը հանդիսանան Հայաստանի մարզերուն եւ Իրանի նահանգներուն միջեւ յարաբերութիւններու զարգացման եւ խորացման։ <<Մեր մարզերի ակտիւ համագործակցութիւնը Իրանի նահանգների հետ մենք պէտք է կարողանանք նոր մակարդակի վեր հանել>>, ըսած է նախարարը: Նշելով, որ տարածաշրջանին մէջ օրէ օր աւելի տիրական կը դառնայ Իրանի դերակատարութիւնը, Դաւիթ Լոքեան անհրաժեշտ նկատած է Իրանի հետ տնտեսական փոխգործակցութեան աշխուժացումը:
Դեսպան Սաճատի դիտել տուած է, որ Հայաստանի մէջ իր դիւանագիտական առաքելութեան վեց ամիսներուն ընթացքին անդրադարձած է այն բոլոր հարցերուն, որոնք նախարարութեան եւ դեսպանատան ուշադրութեան առար-կայ են։
Նախարար Դաւիթ Լոքեան եւ դեսպան Սէյետ Քազեմ Սաճատի համակարծիք եղած են այն մասին, որ Հայաստանի եւ Իրանի տարածքներուն միջեւ կան տակաւին չօգտագործուած ներուժ, համագործակցութեան բաւական լայն կարելիութիւններ ու հեռանկարներ, ուստի կը նախատեսուի նախարարութեան մէջ ստեղծել Իրանի հարցերով աշխատանքային խումբ, որ հետամուտ պիտի ըլլայ երկու երկիրներու յարաբերութիւններու առաւել խորացման վերաբերող հարցերու հետապնդման: Հայաստանի եւ Իրանի միջեւ տնտեսական կապերու առաւել ամրապնդման տեսանկիւնէն զրուցակիցները կարեւոր նկատած են մարզպետներու մակարդակով յաճախակի փոխայցելութիւնները, ինչ որ, կողմերուն համաձայն, նոր աշխուժութիւն պիտի հաղորդէ միջմարզային յարաբերութիւններուն:
Հանդիպման ընթացքին քննարկուած են նաեւ Իրան-Հայաստան միջսահմանային տնտեսական տարածք ստեղծելու վերաբերող հարցեր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ