By Asbarez | Tuesday, 12 April 2016
ԵՐԵՒԱՆ, <<Էրմենիհապեր>> - Քիւրտ լրագրող Սալահետտին Սորօ թրքական <<Օզկիւր Կիւնտեմ>> ընդդիմադիր թերթի կայքին վրայ գրած է, թէ Թուրքիա Ռուսիայէն վրէժ լուծելու նպատակով որոշած է Արցախի մէջ իրավիճակը ապակայունացնել։
Լրագրողը գրած է, թէ ինք ունի այն համոզումը, թէ Ռուսիա եւ Միացեալ Նահանգներ համաձայն են, որ Արցախ անկախ ըլլայ:
<<Տարածաշրջանային բոլոր խնդիրներուն մէջ, Ռուսիա եւ Թուրքիա զարմանալիօրէն իրարու դէմ դուրս կու գան. այդպէս էր նաեւ Վրաստանի, Ուքրանիոյ եւ Սուրիոյ մէջ, իսկ այժմ՝ Ղարաբաղի մէջ: Բայց եթէ Թուրքիա ուղղակիօրէն միջամտէ ղարաբաղեան գործընթացին, ապա այդ մէկը կրնայ թուրք-ռուսական պատերազմի առաջնորդել>>, գրած է ան:
Քիւրտ լրագրողին ձեռք բերած, սակայն չստուգուած տեղեկութիւններուն համաձայն՝ <<Իսլամական պետութեան>> անդամ մօտաւորապէս 150 զինեալներ Թուրքիոյ տարածքէն տեղափոխուած են Ատրպէյճան: Անոնք ուղարկուած են Հայաստանի դէմ կռուելու համար: Բախումներու գօտիին վրայ գլխատման որոշ դէպքերու մասին տեղեկութիւնները թերեւս կու գան հաստատելու վերոնշեալ թէզը>>, գրած է Սորօ:
Յօդուածին հեղինակը նաեւ կ՛անդրադառնայ թրքական մամուլին մէջ տեղ գտած այն լուրերուն, թէ Քիւրտիստանի բանուորական կուսակցութիւնը զինեալներ ուղարկած է Ղարաբաղ՝ անհաւանական նկատելով այդ պնդումները։ Ան կը շեշտէ, թէ նման լուրեր տարածելու հիմնական պատճառը այն է, որ Թուրքիա կ՛ուզէ առիթ եւ հիմնաւորում ստեղծել՝ ղարաբաղեան հակամարտութեան մէջ իր միջամտութիւնը ապահովելու համար:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ