By Asbarez | Tuesday, 19 April 2016
ԵՐԵՒԱՆ, <<Էրմենիհապեր>> - Թուրքիոյ քրտամէտ Ժողովուրդներու ժողովրդավարութիւն կուսակցութեան համանախագահ Սալահետտին Տեմիրթաշի դէմ նոր դատ մը բացուած է, այս անգամ՝ սեւծովեան Կիրեսուն նահանգի համանուն համալսարանի ատրպէյճանական ծագումով վարիչ Այկիւն Աթթարի եւ թուրք իրաւաբան Ալի Չելիքայայի կողմէ։
Անոնք Տեմիրթաշը կ՛ամբաստանեն Թուրքիոյ քրէական օրէնսգիրքի 216րդ եւ 304րդ յօդուածները խախտելուն համար, այսինքն՝ ժողովուրդին մէջ ատելութիւն եւ թշնամութիւն սերմանելու եւ պետութեան դէմ պատերազմ հրահրելու յանցանքներով։
Հայցին մէջ նշուած է. <<Տեմիրթաշ իր Ռուսիա այցելութեան ընթացքին, անդրադարձած է Ղարաբաղի մէջ տեղի ունեցող վերջին զարգացումներուն եւ Ղարաբաղի մասին արտայայտուած է՝ զայն <<Լեռնային Ղարաբաղի ինքնավար հանրապետութիւն>> կոչելով, ինչ որ ճիշդ չէ, քանի որ Ղարաբաղի մէջ երբե՛ք ինքնավար հանրապետութիւն չէ ստեղծուած>>։
Հոն քննադատուած են նաեւ Սուրիոյ մէջ ռուսական ռազմական օդանաւի զգետնումին եւ Քոպանիի դէպքերուն վերաբերեալ Տեմիրթաշի կատարած <<ոչ ուղղափառ>> յայտարարութիւնները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ