By Asbarez | Thursday, 21 April 2016
ՈՒԱՇԻՆԿԹԸՆ, ՌԻԱՏ, <<Ռոյթըրզ>> - Միացեալ Նահանգներու արտաքին գործոց նախարարութեան բանբեր Ճան Քըրպի, մեկնաբանելով Իսրայէլի վարչապետ Պենիամին Նեթանիահուի այն յայտարարութիւնը, թէ Կոլանը <<յաւիտեանս պիտի մնայ իսրայէլեան գերիշխանութեան տակ>>՝ շեշտեց, որ իր երկիրը Կոլանի բարձունքները Իսրայէլի մէկ մասը չի նկատեր: <<Այս հարցին նկատմամբ Միացեալ Նահանգներու կեցուածքը չէ փոխուած եւ ատոր համակարծիք են թէ՛ դեմոկրատ եւ թէ հանրապետական վարչակազմերը>>, ըսաւ Քըրպի եւ շեշտեց. <<Այս հողերը Իսրայէլի մէկ մասը չե՛ն, եւ անոնց կարգավիճակը պէտք է ճշդուի բանակցութիւններու ճամբով, սակայն Սուրիոյ ներկայ կացութիւնը ատիկա չ՛արտօներ>>:
Եգիպտոսի արտաքին գործոց նախարարութիւնը իր կարգին յայտարարեց. <<Կոլանի բարձունքները Սուրիոյ հողամասերուն անբաժանելի մէկ մասն են>>:
Արաբական լիկան դատապարտեց Նեթանիահուի վերոյիշեալ յայտարարութիւնը՝ նշելով, որ ատիկա գրգռիչ յայտարարութիւն մըն է, որուն նպատակն է խաղաղութեան միջազգային ջանքերը ձախողութեան մատնել: Արաբական լիկան Նեթանիահուի յայտարարութիւնը նաեւ միջազգային օրէնքի, ՄԱԿի Ընդհանուր ժողովի, Ապահովութեան խորհուրդի, Մարդկային իրաւանց եւ Ժընեւի համաձայնութեանց բացայայտ խախտում մը նկատեց:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ