By Asbarez | Thursday, 28 April 2016
ԵՐԵՒԱՆ - Ատրպէյճանի վրացիներով բնակեցուած Զաքաթալայի շրջանին մէջ քրիստոնէական յուշարձաններու դէմ ցուցաբերուած բարբարոսական վերաբերմունքը դժգոհութիւն յառաջացուցած է բնակիչներուն մօտ:
<<Արմէնփրէս>> կը հաղորդէ, որ բնակիչները ատրպէյճանական լրատուական կայքերուն ուղարկած են բազմաթիւ լուսանկարներ, որոնց մէջ կ՛երեւի, թէ ինչպէ՛ս շրջանի գործադիր իշխանութեան ղեկավար Մուպարիզ Ահմետզատէ, 5-6րդ դարու քրիստոնէական եկեղեցի մը վերածած է թէյարանի:
Շրջանի բնակիչները կայքին պատմած են, թէ Զաքաթալայի գործադիր իշխանութեան ղեկավար նշանակուելէն ետք՝ Ահմետզատէ ոչ միայն վերցուցած է շրջանի կանաչապատ տարածքները՝ փոխարէնը առեւտրական կեդրոններ կառուցելու համար, այլեւ նոյնիսկ շրջանի պատմական յուշարձանները յանձնած է տարբեր անձերու տնօրինումին եւ սկսած է զանոնք օգտագործելու իբրեւ առեւտրական կեդրոններ:
<<Անոր այդ կամայական եւ յանցագործ վերաբերումին ի տես պայմաններ կը ստեղծեն մշակոյթի եւ զբօսաշրջութեան նախարարութեան Զաքաթալայի ներկայացուցիչները, որոնք բազմաթիւ անգամներ պարգեւներ ստացած են՝ <<հասարակական-քաղաքական կեանքի մէջ աշխոյժ մասնակցութեան համար>>: Ասոր անունը խայտառակութիւն է։ Այդ մարդոց կատարածը կը համապատասխանէ <<կացինի կոթը մեզմէ>> օրինակին։ Երբ մեր մէջ կան այդպիսիներ, ապա մեզի թշնամի պէտք չէ>>, գրած են բնակիչները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ