By Asbarez | Friday, 29 April 2016
ԼՈՆՏՈՆ - Փաստաբան Ամալ Քլունի, որ թուրք ազգայնամոլ քաղաքական գործիչ Տողու Փերինչեքի գործով Հայաստանի շահերը պաշտպանած էր Եւրոպայի մարդկային իրաւանց ատեանին (ԵՄԻԱ) մէջ, հարցազրոյց մը տալով <<Պի.Պի.Սի.>>ին՝ յայտարարած է, թէ Հայաստան պարտութիւն չէ կրած այդ դատին մէջ։
<<Կարեւոր է հասկնալ, թէ ի՛նչ էր հարցը եւ ո՛րն էր մեր առաքելութիւնը։ Իրականութեան մէջ, Հայաստան պարտութիւն չէ կրած։ Գործը դատարան հասած էր թուրք քաղաքական գործիչ Տողու Փերինչեքի դիմումին համաձայն։ Ան կը բողոքէր Զուիցերիոյ դէմ՝ Հայոց Ցեղասպանութիւնը ժխտելուն պատճառով զինք դատապարտելու համար>>, ըսաւ Ամալ Քլունի։
Ան յիշեցուց, որ Հայաստանի պահանջը ԵՄԻԱէն ներս կապուած չէր Փերինչեքի դատապարտութեան անհրաժեշտութեան հետ։ <<Մեր պահանջն այն էր, որ գործի քննութեան ընթացքին, դատարանին կողմէ հնչած որոշումներուն մէջ չըլլան այնպիսի ձեւակերպումներ, որոնք կ՛ենթադրեն Ցեղասպանութեան ուրացումը։ Ո՛չ Հայաստան, ո՛չ ալ ես՝ որպէս Հայաստանի ներկայացուցիչ, դէմ ենք խօսքի ազատութեան։ Մենք պարզապէս կ՛ուզէինք, որ դատարանը պատշաճ ձեւակերպումներ սահմանէ Ցեղասպանութեան գործին հետ կապուած>>, մեկնաբանեց Ամալ Քլունի։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
